誤殺3

編導演製作質量俱佳的影片。劇情牽引力很強，情節推理嚴謹，反轉再反轉。一層一層剝洋蔥。因為上面有審查（而家香港都有），所以把故事設定發生在外國（某國可能是虛構的？但取景應該在泰國緬甸我估）表面上令人感覺影射講泰緬，但其實講的內容非常符合「國情」，明白人自然看得明白！難怪大6嗰邊票房高企。很有深意。有被封禁不給上映的風險。無風無浪順利上映算好彩。其實響歐美國家好多大城市，人口拐賣販賣都好猖狂，第三世界國家就唔使多講！睇完後好有感觸，講真，能生活響香港嘅人，尤其兒童，響本地被人販子拐賣嘅機率極低，我們真係好幸運。亦可能因為咁，習慣睇港片嘅觀眾比較難對呢部電影產生好強嘅共情。只能夠當係純娛樂嘅影片嚟睇，無法更深刻感受深層嘅異寓意。

故事情節曲折緊湊，引領觀眾抽絲剝繭去尋求真相。劉雅瑟表演突出，她那種歇斯底理演技方式大派用場，其它演員不過不失。放下屠刀，未必得到佛祖寬恕，狗是改不了不吃屎。頗具佛性的警世電影。

故事方面同《消失的她》差唔多，不停有反轉，不過綁架拐賣兒童嘅題材自帶強烈壓抑感，呢種令人窒息嘅感覺喺全套戲一直揮之不去，對於欣賞精彩佈局有一定影響。4.5/5 （90分）

睇嘅時候覺得電影將Morgan Freeman "Along Came A Spider"、日本《忠臣藏》同Agatha Christie嘅《東方快車謀殺案》扭埋一齊，雖然天下文章一大抄，但炒埋一碟都算炒得唔錯。不過好快就知家庭教師係內鬼，亦好易估到綁匪唔係為錢係為報仇，更知道係一班人分工合作要打大佬，幫社會底層申寃。而大陸哩類懸疑片一再以東南亞小國做故事背景，就證明導演別有用心，《消失的她》《默殺》同哩套都係虛構一個南洋小國政治腐敗、權奸勾結、警察貪污⋯⋯哩套只不過由殺人後毀屍滅跡，進而牽扯到拐󠄆賣兒童，其實大陸以前都拍過人口販子拐󠄆賣兒童，例如劉德華《失孤》趙薇《親愛的》，點解犯罪貪污嘅故事唔可以用今日中國做場景呢？因為崩口人忌崩口碗，中國係當今世上人口最多嘅地方，貨源充足，自然係人口販賣大國，單看緬甸KK園，華裔頭目佔比最多，足以證明哩方面蜚聲國際。至於貪污方面，簡直係國粹，有邊個朝代明君嘅乜乜之治，其中一項唔係「澄清吏治」呢？睇吓偉大嘅習主席講咗十幾年要「打貪、打大老虎」，但打極都有，最近咪又搵咗幾個出嚟上電視喊晒口悔過直播，交差交數整人排除異己啫，你唔係諗住叉隻腳埋嚟幫手揭發呀？信唔信我告你「散播仇恨，煽惑群眾」吖嗱，於是導演們唯有移師海外，「嫁禍」東南亞小國，不過今次算有品啦，明明係泰國🇹🇭（差館入面周圍都係泰文)，但演員開口埋口話喺我哋「萊國」乜乜乜，中國人攪文化產業咁多避忌同制肘，唔怪之得追唔上韓日，俾印度超前，睇嚟堂堂大國嘅軟實力真係好軟喎！Morgan Freeman’s “Along came a spider” 蜘蛛有八隻腳，哩套英文叫Octopus with broken arms，八爪魚🐙都有八條觸鬚，「致敬」得好明顯喎😱😱😱

大致等於張家輝主演的《重生》，改替其中的非法獲利方法，變成東南亞版《自由之聲》，受害者家屬又一齊開會連運鏡都一樣。最大粒又是最壞的，甚至連演員都是一樣⋯⋯總之又是最信神明金盆洗手的人其實就最惡毒。經典的反轉，不斷又再睇多次件事反三次，反得多哦下就無咩。與其再前作《消失的她》那種懸感，反只為稍為補補不太重要線索，補回男主角如何身不由己、有個一齊長大暗中幫手的摩托車兄弟、甚麼尷尬的619事件。威脅捉來的小孩來拐走新的同齡小朋友確實悚然，但成年後的男主角依然助紂為虐就百思不解。對比復仇的女主角，深深知道制度不能跟親眼見住正義反被炸爆而以惡制惡好似更加有說服力。用人的憐憫之心來獲利令到整個社會都更冷漠可能更加恐怖更無人性。血腥就更好，斬一下又無血，背景音樂響起真是要掩耳。新聞又用英文讀多次發生甚麼事來拖時間。可能比較眼前一亮是主持平移穿去一走廊之隔另一間屋。對白都有幾句精闢。如果再多一些男主角細個，如何被逼要補充「新貨」就更心酸更殘酷，或者篩選貨物好壞來「孤兒」化新身份。劉雅瑟的確演得最聲嘶力竭，全戲最佳爆出失去小女的母親，一看就再看《智齒》的絕望感！