麻雀女王追男仔

陳家樂演出好，可惜戲份少

睇trailer已對此片冇乜期望，睇完後感覺較良好。故事都係空泛薄弱，但場面處理尚算熱熱鬧鬧，雖然都係笑唔出。電影圍繞打麻雀亦有過年氣氛。老戲骨程可為好睇。整體一般般咁啦！唔抱期望入場會好啲。李尚正被咒後較攪笑，霞姐亦funny。今年三套港產賀歲片總評：其實三套都麻麻地，想睇好嘅賀歲片三套都可以唔駛睇，海軍鬥水兵。如果真係要搵戲睇，希望以下可以幫到大家。入場前期望排名：1. 臨時決鬥2. 祥賭必贏3. 麻雀女王追男仔入場後排名：(以整體應節度、熱鬧度同攪笑度排名)1. 祥賭必贏 - 電影完整性較高，張繼聰、朱康好笑2. 麻雀女王追男仔 ：較通俗熱鬧，阿正、阿霞較搶眼3. 臨時決鬥 - 支持古仔，想睇卡士可以入場，但唔好抱任何期望以上排名只供參考，大家可按自己喜好決定入場與否。在此順便祝大家新年快樂！身體健康！心想事成！日日睇好戲！

上年明明話無乜賀歲片，年尾湧現多套港產，內地及大馬賀歲電影，套套都大堆頭，群星拱照。呢套王晶葉念琛合導，TVB馬明高Ling掛帥，以麻雀作主線，期望唔高之下入場又睇得幾歡樂。.劇本真係算吧啦，群星參演下，每位演員都有點戲份，最後多條角色線都只是輕輕帶過，推進沒有細節，幸好劇情相對簡單，唔會睇唔明，只是太過順其自然。.馬明高Ling 首次擔大旗，其實戲份並無特別多，二人條愛情線太過表面，發揮機會唔多，但其實高Ling演技不錯。陳家樂超誇浮演繹原來係致敬，真係失敬失敬，同Dada條線發展得突然，林襄完全是個花瓶，電影線更加無疾而終。不過葉導自嘲兼向自己致敬我OK，其中「唔睇港産片覺得自己好型」真實又令人心酸…最搶鏡，最搶焦點落在阿正身上，無厘頭又真係好笑，最後呀霞仲有葉導一貫的扭橋作風，不過就無後續。.追男仔的部份貫穿全片，三條線只有大半條關於麻雀，不過幾個牌局都算好睇，有氣氛，程可為同高Ling 加分！另外電影有大量內地女演員客串，外表太人造人，多左。.觀影平台: K11 Art House.IG: AndyMyFilmography/ #AndyMovieReview

林襄的威力，不會弱過林明偵，但導演浪費了，而且橋段老土

成套片感覺就係好多小短片穿插，但係內容情節扣唔到刻意物化女性 林襄作用為零套戲取笑TVB 但係點解仲cheap過TVB？睇晒三套賀歲片呢套最奇差

擒日唸住過年都想睇番套賀歲片， 因為片長同埋時間嘅關係就揀咗呢一套。 點知睇完真係好後悔，首先講劇情係停留喺20年前嘅橋段，王晶導演一貫炒冷飯嘅製作，之前睇過佢個訪問講每一條橋用五年就已經無效， 但點知佢呢一套戲係用返20年前嘅橋。另外更大鑊係如果想營造搞笑片，其實係咪可以搵返啲後生啲嘅演員去演，睇住馬國明同高海寧去影一啲扮後生可愛嘅角色，唔好講話我哋睇嘅，我覺得佢演嘅都好尷尬。 以前睇葉念琛嘅小品愛情片都覺得佢係有心殺出一條血路，同埋啲片都幾好睇。希望今次係個別事件，如果香港電影每一套都係拍成咁，就唔好奇怪點解香港嘅票房每況愈下，要吸引觀眾入場，始終都係要拍好嘅電影。