破。鏡。慾

個人覺得這套戲很出色，我會形容它很精緻，每個細節都幾乎無可挑剔。講真，這套戲不像一些同類型電影般劇情過於扭捏，無論每個劇情轉折都恰到好準，沒太多刻意為之的轉折，這點導演和編劇值得一讚。而故事和角色設定也很亮眼，角色輪廓刻畫得十分立體，當然場景和場面也很到位，沒有 麼太大的違和感。其中我最欣賞它運用鏡子的手法如此精妙 當然那兩幕場面，無論佈局和設計都很精彩。演繹方面，無論是男主角宋承憲 還是 還是 主，兩位女角曹汝貞和朴智賢，表現都很到位，其中我比較喜歡朴智賢的演出。痴·影·夢·藝 X 的專頁 https://www.facebook.com/ckwunmovie/

劇情精彩，反轉位甚多，不論是視覺上的衝擊還是對人性的刻劃都相當強烈，不論以懸疑片還是情色片角度看都是好作品。（不能說太多怕劇透）4.7/5 （93分）

本來標題係「上流寄生族的變調」，但後來想想，冇變調喎，主旋律仍然係有錢人係上帝，窮人根本郁唔到佢哋，如果反抗或報復，只落得終生暗無天日，但服從也只落得做一世嘅奴隸！兩位女主角演技一流，內心戲做到足，尤其朴智賢樣靚身材好，清純嘅打扮同氣質，即使脫清光仍會被視為藝術品🖼️所以觀眾唔會以一般三級片角度睇哩套戲！反而宋承憲表現令人失望，空有俊朗外表健碩身材，好似唔係好識做戲，發現妻子被囚密室，由想救人突然變為自保，過程好突兀。後來話唔救又救，仲反過嚟做幫兇，幫手囚禁美珠，當然你會話佢想繼續夫憑妻貴吖嘛，但富妻咁記仇，佢可以苟且偷安幾耐吖，仲同佢初初和後來終於救人嘅初衷矛盾，性格反覆即是冇個性，係最冇說服力嘅角色！唯一作用係帶出喺有財有勢嘅上流面前，下流只可以出賣同類（而唔係聯手反抗，推翻上流）助紂為虐，苟延殘喘。電影結局急轉直下，有啲草草收場嘅感覺。電影亦冇《上流寄生族》咁震撼，因為只係拾人牙慧、借題發揮。有人會話一套還一套，何必比較？但睇得戲多，將同類放埋一齊對比係好自然嘅事，與其只識批評人哋嘅影評，不如專心啲寫篇好嘅影評批評電影好過啦！哩個先係哩個網嘅初心，而唔係撩是鬥非，專門雞蛋裡挑骨頭！

大橋唔錯，不過處理就麻麻，好多人物個性同劇情嘅轉折位都好牽強、求其同兒戲，欠說服力，浪費咗個大橋。情慾戲唔算好多，但拍攝尚算有美感。

韓片演員都十分專業。宋承憲還是那麼的英俊瀟灑還有muscle ，女角身體十分有吸引力，演出賣力！這並不是色情片，內容暴露人性的自私與貪婪。裸露性愛情節是劇情必需。全片沒有冷場，交代清楚，一氣呵成。

不劇透，但真相好快在劇情中和盤托出，唔難估，是稍為複雜的男女女關係戲，劇情充滿人性佔有慾，妒忌心，報仇情結，操縱狂和少少SM。環境發生在一個有密室結構的古老大屋，是戰爭避難時用的。背景是交響樂團的英俊指揮（宋承憲）和兩個女大提琴手（朴智炫，曹汝貞）的三角複雜感情關係。全片佈局懸疑，帶點驚慄，導演掌握氣氛好好，吸引到觀眾追下去，結局雖有點出人意表，帶誇張，卻合情理，cult cult地。情色果part實在要讚一下，宋承憲和朴智炫的床戲，令人目眩和驚喜，有舖排，符合劇情，靚人靚景，兩個身材皆一流，畫面性感，美不勝收，兩個古典音樂家的床戲，男的英俊，女的清純，帶畀觀眾更多幻想空間，實在估唔到畫面咁大膽，動作細緻，劍及履及，比《色戒》更出色（因《色戒》床戲背景非常低氣壓，睇得唔爽）。睇到觀眾熱血沸騰，聽到周圍有吞口水聲音，畫面卻沒有絲毫低俗感覺，實在是很上盛的情慾戲。淨睇兩幕情慾戲，觀眾都不會感到失望！況且劇情真是OK，是近來最好睇的韓國懸疑驚慄情慾電影！