完美物質

個人覺得套戲是精彩但很嘔心，我會講，這套的嘔心程度是當年拿金棕櫚，法國片鈦的一萬倍。其實從第一幕開始，已經深深感覺到套戲這樣的極端方向，導演這方面的執行同舖排是準繩，每階層演變也是獨到。而用明星手印作為開首同結尾的設計是天衣無縫。當然在服裝同美術上，這套也是很高質。可以細緻塑造出這種七八十年代美式健美小姐味道。而無可否認，這套是大力去批評當下極為扭曲審美標準同其衍生出的父權主義，如很信奉這樣的話，一定睇得很有味道同共鳴。演繹方面，無論是狄美摩亞、瑪嘉烈戈利也是演得好。痴·影·夢·藝 X 的專頁 https://www.facebook.com/ckwunmovie/

4.2⭐被故事題材吸引，加上有好耐冇睇過嘅狄美摩亞主演，所以入場睇下咩料，點知開場先知係一套三級片。一路睇落去發現原來套戲係咁激嘅。😄本片集奇幻、驚慄、血腥、暴力、怪物、裸露、cult 於一身，題材新穎，特技化裝出色，血腥核突場面赤條條做比觀眾睇，呢方面連我睇咁多呢類戲都覺得佢幾核突驚嚇。劇情方面基本上冇悶場，有追看性。睇咗5/6我都覺得好精彩唸住要比4.5⭐，點知結局表達手法突然cult 得滯同前5/6唔一致，有啲突兀，尤其開大水喉係咁“啡”，所以要扣0.3⭐。除咗結局表達手法之外，整體套戲係幾好睇嘅。當然，睇呢類戲好多嘢都不要問究竟，問太多究竟只會影響觀影嘅投入度。演員方面，狄美摩亞表現幾好，尤其後期開始變異之後。而幾十歲人仍有勇氣為藝術犠牲，不固形象，值得敬佩。👍另外果位年輕女主角亦有徹底演出，演技亦不俗，化身Sue之後樣子甜美吸引，同狄美摩亞成一大對比，突顯到故事嘅主題。整體本片娛樂性不俗，鍾意驚慄、奇幻、核突、香艷嘅觀眾可以考慮入場。

套戲兩個幾鐘，本身收工去睇都擔心會睇到訓著，結果完全無恰眼瞓，劇情大癲！將女性對年紀的憂慮，追求年輕肌膚及外貌的病態表露無遺。同時亦將男性的批判放大，令主角的思想更為扭曲。劇情並非無犯駁位，至少如果我是女主角，變得年輕貌美就不會吃回頭草，再次面對以及討好嫌棄「自己」的膠層，但這樣的劇情更突顯女主角想得到大眾喜愛的心情。.故事發生到後段女角失去理智，令事情一發不可收拾，比前段更Cult更癲，雖則噴血噴到有點誇，但不失震撼感，而且一幕比一幕爆！當中電影的特技化妝，美術指導值得讚賞。.另外戲中多幕近鏡亦大大提升不安感，演員出色的演繹功不可沒，Demi Moore再創事業高峰，角色背景有點似她，可幸是現實中她優雅地老去，戲中盡騷完美體態。其憂慮及驚恐絕對是影后級，加上老妝及外形改造，更見其精湛演技。不過由起身有關節痛去到健步如飛又有點難以令人信服（又好似唔關Demi Moore演技事…）.而年輕貌美的Margaret Qualley也演得好好，雖則稱之完美女神是有點距離，近鏡望到門牙牙縫有點闊，還要密集展示是有點不解，但她絕對是個青春活力可人兒無誤。.我鍾意睇Cult片，呢套戲睇得好滿足，夠核突，夠嘔心，有幾幕我是不忍直睹。電影亦清晰扡帶出訊息，言之有物，並非一般純粹過癮的娛樂爽片。無疑劇情的犯駁位扣了一點分，差點就是年度完美電影！.觀影平台: 高先電影院.IG: AndyMyFilmography/ #AndyMovieReview

兩位女角放盡已不容置疑，劇中的太多我，而我中的慾望是無窮的，以致最後達不到所要的平衡，這也是世界常態，並不意外！另外，戲中那扭曲的審美觀，或者就是對父權的控訴，也應了最後為何胸部不是長在頭上的歪想.

片長142分鐘，驚足142分鐘。六粒星，心血少啲都唔好去睇。編、導、演、攝影、剪接、美術、音效都一流。一舊水，有兩個頂級靚女唔著衫，仲要連心肝脾肺腎都睇埋。臨尾二十分鐘突然變左套Cult 片。第一次睇到靚女個心口唔係興奮，而係驚嚇。與其逆天而行，不如優雅地老去。頂，今晚真係瞓唔著。

希望睇完的女士諗清楚糸咪要去整容？