殺出個黃昏

1.最初唔少影迷見到今屆香港國際電影節選片時，意外會有呢套甚少聽過嘅作品，而電影演出陣容亦唔太吸引較年青嘅觀眾。正正大家對電影毫無期望之際，卻成為今年電影節帶嚟最大驚喜嘅港片！.作品由林家棟投資監製兼聯合編劇，由籌備至上映前後用咗七年時間，並且選角上「以老帶新」嘅方式令兩者不失其光芒，各有各精彩。-2.『殺出個黃昏』某程度上同監製前作『殺開啲啦』玩法一脈相承，同樣用黑色幽默包裝現實悲涼社會問題，而今次焦點就放喺老人議題上。.無論生活潦倒定經濟富裕嘅長者均面對邊緣化嘅問題，被家庭同社會遺棄只能自生自滅。三位主角儘使處境不同仍難逃以上命運，但呢個係咪一定係老人嘅宿命？片名『殺出個黃昏』正正係語帶相關。.抽走戲內黑色幽默部份，全片主調沉重得心碎，所以明白有評論覺得電影風格比較分裂嘅。-3.後生一代對謝賢喺影視作品嘅印象總離唔開招牌墨鏡再加型格老西，當年拍『情陷夜中環』就算床上戲都堅持帶黑超，可見四哥對造型何其執着。所以今次四哥出山最大驚喜梗係露出隱藏多年嘅雙眼！.本身想講佢係寶刀未老，諗諗吓都係唔多適合 - 四哥直情係薑越老越辣！估唔到眼神仍舊凌厲，對眼細如表哥般但充滿情感流露。而容易過火嘅Bobo姐亦處理恰當，拍枱大鬧李燦森一幕控制得剛剛好。-4.佩服劇組選擇三位主角年輕版非常之神似！尤其搵符家浚演後生時期嘅林雪，真係好似餅印咁似！可惜佢哋戲份僅得一幕，以為會間中不斷穿插佢哋憶及年青往事嘅片段添。-5.「我有無盡希望，要擁抱青春像玫瑰般盛放。」.電影主題曲『青春之歌』原來係監製親自操刀填詞，歌曲充滿六七十年代風格吻合角色背景。同時亦點出電影中心思想 - 人生踏入黃昏並唔可怕，最緊要識得衝破困局活得開心自在，尋回自己生存價值同意義。.咁就名副其實係「殺出個黃昏」。

輕鬆唔累贅少女角色略為平實簡單角色戲份恰到好處未至於「有淚」但絕對有笑有憂估唔到咁都有打戲睇

劇本寫得好，但導演呈現手法可以好啲

以長者同後生 兩類作人物背景 當中有唔少搞笑情節 返左工一日 好攰想睇下 笑下嘅可以一睇鐘雪又好 林雪又好兩類主角都演得唔錯 搞笑到位開頭介紹部份偏慢 但其後劇情緊湊笑笑下就睇完喇 可以返屋企瞓

2011年的《打擂台》得最佳電影男女配角，向前輩動作演員致敬，2021的《殺出個黃昏》同是林家棟監制，上次劉德華出錢，今次他自己也科錢投資，更兼助寫剧本七年時間，《殺出個黃昏》寫老人問題，但不老土，用動作喜剧黑色幽默crazy手法包装，对白有深思地道，但不像《濁水漂流》全片粗口，剧本日子有功，導演剧情推進有序，角式主線分明有头有尾，搞笑中有眼淚有感動，四哥和雪營的爺孫情節有創意有深意，愛和關懷在任何年龄都需要，只耍遇上，但孔子说的七十而從心所欲而不愉規，是上一代道德的功，对比世界年青一代的開放性觀念，缺家庭之爱就找男女之慾去補充內心空虚，此片都用輕鬆手法帶出現象，讓父母子女自己反思。宝宝姊的處境更是現實社會的寫照，共嗚性極強，林雪的代表在香港亦不在少數的独身老男，錢買健康及寻女性身体解愛之相思之苦。说到底是人怕孤單，近年美国哈佛大學研究人的孤單問题會令人生病甚至寻死念的。說沉重問题但全片沒有冷埸，说老人题材但看後更令人寻回青春的衝動，乃编導演的功力也，更而多谢家棟監制此有意義的港片

個人覺得套戲是出色，導演各方面處理也是出色，無論劇情、演員、美術各方面也可以交出極高水平。 其實個人睇套戲時感覺到傷感。雖然他是屬黑色幽默類型，但內在的卻是寫出老人面對孤獨，這點上高導是拍得精準同到位。而故事推進上高導也是處理得熟練，三線主線著墨也是平均，各自也有發揮空間同可以互相襯托。這點上導演同編劇也是應記一功。 而場景美術上，這套也是高質，無論首幕的仿舊（其中我最欣賞他連武俠世界也可以找到）、秋住的屋、鳳經營舞廳以至周聰叔那段中這幅畫等也是設計得好。 而演繹方面，各主角的演繹也是好睇，四哥的孤獨、寶寶姐對家的無奈、林雪這份對找歸宿的情感（難得他沒粗口而有深度演繹）、鍾雪這份年輕爽直等、導演也是拿捏得準。 但個人略為覺得陳賓這段在敘事描寫上有點不足，不夠有說道力。痴·影·夢·藝 X 的專頁 https://www.facebook.com/ckwunmovie/