獅子王：木法沙

作為一套兒童向電影，我認為《木法沙》合格有餘，雖然刪減哂獅子捕獵開大餐、弱肉強食等元素放到最低去迎合小朋友。整個故事尚算流暢，睇獅子溝女都正正常常發揮，So Far都係迪士尼個味野，木法沙成王之路嘅劇情我作為成年人觀看都覺得有趣嘅。睇迪士尼就一定有歌舞，獅子唱歌就怪怪的，同今集歌曲我就覺得麻麻地好聽，整體歌曲連劇情其實無乜記憶點，相信好快都會忘記。最後不得不讚嘅係CG鬼斧神工，啲獅子、動物、大自然同真嘅一樣，每一條毛非常生動，表情亦同人一樣好識做戲，獅子每個微表情都話緊你知當下咩心情，實在不得不感慨科技嘅進步。

其實迪士尼係咪已經江郎才盡。無可否認創作前傳係一項艱難嘅挑戰，入場前不帶期望，但仍然令人失望。其實有啲唔明點解講講下故事就要跳返去彭彭同丁滿度，感覺就好似係為咗塞夠2個鐘咁，其實真係冇必要，套戲精簡可能我會俾更高分，畢竟你觀眾群都係小朋友。我明白丁滿彭彭可以為電影增添更多笑料，但對電影劇情推進係完全冇幫助。獅子王點解咁成功，其中一個原因係歌曲夠標誌性，可是今集就做唔到了，沒有Hans Zimmer加持，音樂感覺上與非洲大草原唔夾。我睇完諗返起，都已經唔記得啲音樂了。話雖如此，vocal上係強嘅，但歌曲有點累事吧。有啲位係值得讚賞嘅，視覺效果非常出色，感覺真係好似睇緊紀錄片，好正。電影連貫嘅整體敘事方式都出眾，例如有啲位有前後呼應。總括而言，唔係一套好差嘅電影，因為佢加深左我對獅子王嘅認識，可是劇本薄弱加上角色介紹牽強，未發揮到電影本身應有嘅潛力。如果冇其他戲揀先睇呢套吧。如果係粉絲，就建議等Disney Plus

CG真心唔差，劇情合理。不過可以講多啲刀巴(塔卡既劇情）小朋友可以入去睇師子，大人可以睇番由細到大既精彩續集。

<獅子王•木法沙> (119mins)福評：一家大細睇嘅故事，CG技巧一流，真係好似睇緊National Geographic，所有動物嘅動作非常之細緻，甚至乎連表情都好着重，不過當然120分鐘唔係淨係睇呢樣嘢，故事都來自傳統獅子王談及目法沙同埋刀疤兩兄弟豬弱肉強食世界的爭奪及第一代獅子王的誕生！中間歌唱環節(粵語版)實在太過牽強及不濟，完全不習慣中文演唱的歌詠！不過故事太長，未必適合小朋友長期專注觀看，亦都好少打鬥及捕獵的畫面，文戲居多，所以內容性一般，不過有追看獅子王系列的朋友定必捧場。福分：73分https://www.instagram.com/p/DEm8RCgTg0d/?igsh=cXphbjJrYnkzZGx5

這套獅子王前傳，值得一看，也明白 "刀疤" 這個名的由來。

原本以為木法沙係以古龍既絕代雙驕為藍本。看畢後才明白是帶有温端安既說英雄誰是英雄。王小石一心只想平淡過一生，逍遙自在與世無爭方得其樂；白愁飛踏足京城的一刻，立志要闖一番事業，方可對得起自己餘生。雖則二人志向有異，但敬重對方既英雄氣蓋。此種惺惺相惜之感，温巨俠稱之為［識英雄重英雄］。只有真正既英雄，才會尊重比自己強既對手。