這裡是吾家

個人覺得套戲是出色，我形容套戲如一幅可活動的拼圖般，在同一個背景，配上不同年代的人同事，從而拼湊出一張張好有質感同溫度的畫面，雖然有用AI換面技術，但整體感覺卻是溫暖。講真，用這種演繹方式，動感一定會下降，但同一時間，這樣可以令角色塑造、質感同情感有所提升，這樣加上故事背景同湛米基斯大師級調度功力，從令整套戲的感覺大為增加。如講演繹，男女主角，湯漢斯同羅斯活麗也有上佳的演繹。他們互相之間互動好精準，可以演繹出一對經歷多個春夏秋冬同生離死別的老夫婦。而如果是舊派配樂的粉絲，這套所用的配樂配搭會令他們有所共鳴。痴·影·夢·藝 X 的專頁 https://www.facebook.com/ckwunmovie/

3.3⭐本片表達手獨特，以CG去處理單一個角度嘅場境表現出色，技術成熟，視覺上睇得好舒服好自然。但同一手法用喺成套電影上就造成沉悶乏味。而故事以零碎家庭逸事去串連又令劇力薄弱。再加埋前述嘅表達手法，令電影有支離破碎之感，沉悶乏味，亦冇機會比演員發揮演技，只見演員好似無台劇咁出出入入，但情感戲欠奉，even影帝Tom Hanks都冇乜大頭，冇乜發揮機會。綜觀全片戲味係唔濃，感染力唔強嘅。你話佢係一堆家庭home video都不為過。今次AI 年青版Tom Hanks做得唔錯。玩到咁，真係馬麗蓮夢露、李少龍都可以返上嚟拍新作。😂

非常特別嘅拍攝手法，類舞台劇形式背景場景完全唔變，再用拼圖手法過場。真係由恐龍時代、盤古初開、未經勞役嘅印第安人、獨立戰爭、一戰二戰講到疫情現今，濃縮左一部美國小歷史，非常有《阿甘正傳》色彩。其實睇完唔止可以代入美國，就算任何大小嘅地方都得，重點係個個地方係點「傳承」，我自己睇完就諗起香港啦！但時間非線性描述，用房間擺設（由其張梳化，好聰明嘅設計）、人物、衣著等令觀眾辨認到當時間屋係屬於咩主人。但觀眾係時敍上有困擾應該都係前段時，後尾劇情入大直路時應該好容易就搞得清。成套戲拍攝手法好高超，雖然固定場景但電影編排、執行上應該唔比普通電影容易。故事由極多編目組成，人物故事都平平淡淡好貼近我地普通人嘅人生，但我自己就睇得意猶未盡，唔夠喉囉！由其電影結尾個鏡頭終於移動時，都仲有個扭橋位！睇得出成套電影細節心血位好多。不過我都明白呢種電影主題、咁特別嘅拍攝手法唔會好多人啱睇，只能夠講「青菜蘿蔔各有所好」，呢套戲真係好中到我，但我又唔會話推薦比大眾，始終呢種小品真係比較難入口。

一個場景，一張梳化，幾個家庭......不斷交錯的剪接和對白，交代了整個美國歷史同一般美國家庭的日常生活。故事同時從國、家與個人的角度帶出人生必經之生老病死與一切的悲歡離合。最深刻的對白是： Time never waits，人生無常，要珍惜當下。很開心再看到年輕的湯漢斯，其他所有角色亦演得非常稱職。導演、編劇神乎奇技，高手之作。

靜默注視幾個時代中此處曾發生過的事，客廳、沙發與家人。技法好獨特，形散卻神聚，捕捉強調的傢具元素和各種意象都很有意義。

如果以後嘅電影都用科技去拍 我諗唔會再吸引我入戲院一個場景 一個湯漢斯完～