臨時決鬥

個人覺得套戲是可以，我會講今次麥導算係咁，可以匆忙地東拼西拼到一副既有少許深度、有笑位、亮點而不太過於空洞胡鬧的賀歲片。首先在塑造角色同劇本執行上，這套無疑是有瑕疵，但如果以賀歲片標準來講，卻是可接受，另外在這套中，城寨元素的使用又沒預期中咁突兀（個人覺得這樣已經好過另一套所謂的賀歲片…………）。咁當然這套也有地方是值得讚，這點便是Gigi的演繹，的確今次她的演繹的確好到位，角色的設計好令她好有空間去發揮，而她也不負眾望去演，所以這點值得需要一讚，咁當然胡子彤今次當這個下把位也好幫到套戲同增加到令觀眾笑的位。#香港觀眾應撐香港電影痴·影·夢·藝 X 的專頁 https://www.facebook.com/ckwunmovie/

大部份男演員都有份參與九龍城寨之圍城，連魚蛋妹都有份演出，簡直好似睇緊其現代版城寨外傳咁。再加埋有梁詠琪、黄丹妮同周秀娜，陣容算係今個農曆新年三套港產賀歲片中最強，可惜劇情鬆散、故事空泛、對白無聊唔好笑之外啲gag重要抽九龍城寨水，似以前啲七日鮮。整套戲亦冇乜賀歲feel。睇完有失望感，因為有期望。今年三套港產賀歲片總評：其實三套都麻麻地，想睇好嘅賀歲片三套都可以唔駛睇，海軍鬥水兵。如果真係要搵戲睇，希望以下可以幫到大家。入場前期望排名：1. 臨時決鬥2. 祥賭必贏3. 麻雀女王追男仔入場後排名：(以整體應節度、熱鬧度同攪笑度排名)1. 祥賭必贏 - 電影完整性較高，張繼聰、朱康好笑2. 麻雀女王追男仔 ：較通俗熱鬧，阿正、阿霞較搶眼3. 臨時決鬥 - 支持古仔，想睇卡士可以入場，但唔好抱任何期望以上排名只供參考，大家可按自己喜好決定入場與否。在此順便祝大家新年快樂！身體健康！心想事成！日日睇好戲！

賀歲檔期嚟講呢套戲就無乜賀歲味道，勝在打得尚算好睇，兩位女主角打得夠肉緊，同埋夠狼死！最尾古天樂打鬥CG都幾爆！對白有唔少gag位，有粗口，夠貼地自然！整體收貨，都幾好睇！

參與《臨時決鬥》演出的古天樂、張文傑和胡子彤，都是《九龍城寨之圍城》的基本班底，伍允龍與喬靖夫亦湊熱鬧客串兩場。這種很有上世紀八、九十年代「食住道勢，斬多四兩」，帶點「走精面」的賀歲電影，確實可以迎合那個年頭的觀眾心理。大家在農曆新年，不外乎想圖個開心熱鬧。麥啟光導演的《臨時決鬥》，儘管帶有多少「雖有智慧，不如乘勢」的想法。但個人認為，新片的故事結構是勝過去年《臨時劫案》。可惜票房暫時尚未追及前作七成，實在情何以堪。消費者過戲院門而不入，漸成新常態。賀歲片大好友黃百鳴，連續兩年放棄爭奪新春檔期。如此消極的做法，正反映出他對香港電影市道是何等悲觀看淡。也可以說，過往「搏大霧」，視香港及內地觀眾是提款機的「好日子」已離他遠去。不過話說回來，最近兩、三年，本地合共有三齣電影破億。其中《毒舌大狀》和正在上映的《破·地獄》，還有接近八千萬票房的《飯戲攻心》，都不是所謂「千萬金元大製作」。換言之，仍然有很多香港觀眾，願意掏腰包支持好的港產片。香港電影業界要熬過寒冬，沒有任何捷徑，努力加油吧！歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

中規中矩，唔太刻意逼你笑，但你又會笑得出既賀歲片！睇完好想問一句乜古天樂而家得返一個演繹手法？佢係咪撞聾做乜嘢講嘢咁大聲？另外王丹妮把聲又唔知做乜，全程氣聲…值得讚係娜姐同埋胡子彤，其實得佢哋兩個係真係有進步，仲要係明顯嘅進步。唔係黃百鳴唔係王晶嘅賀歲片，都值得一笑嘅

嚴格嚟講呢套唔係好賀歲片，如果唔係話要趕住賀歲，應該可以再執得仔細啲，咁就變成一套有主旨嘅勵志片，依家就加返啲笑位入去，不過都算係齊齊整整