久別重逢

個人覺得套戲比預期更好睇，我會形容套戲的完成度很高，是一套香港少有拍得好睇，有港元素的日系純愛片。我會講，導演無論是演員選角、故事敘事技巧、取景舖排、角色塑造等，均是十分到位，一點也沒什麼突兀的違和感。其實當找伊麵同Ian，已經大約估到套片會行什麼方面，而導演在這方面也沒令人失望，純粹用我的歌作為串連這點，已經夠殺，加上角色塑造，已經好令整件事好出，故事的舖排也有畫龍點睛的效果。咁當然作為日系純唯美系片，這套在場景處理這環節上也沒令失望，無論是長洲或是日本的取景，每一場也令觀眾們印象深刻。演繹方面，四個主要角色的演繹也不令我失望，四個互相之間的化學作用很大，各自也有其吸睛點。伊麵這種失意中年音樂人、lan這種有音樂天份但有家庭包袱的中學生、許恩怡這份少女情懷以至蔡思韵這份對關係上的抱憾，也是演得好，當中印象最深刻應該是lan知道家庭會巨變的一段。痴·影·夢·藝 X 的專頁 https://www.facebook.com/ckwunmovie/PS：睇完後，很想食日式雞蛋焦糖布丁

4.999⭐繼破•地獄後，估唔到臨年尾都重有一套港產佳作！結尾重要睇到我有少少眼濕濕。🥺本片劇本不俗。愛情+穿越並非什麼新鮮橋，但要處理得好並不容易，好多時唔係穿到亂哂龍，就係越到自相矛盾，睇到觀眾一舊雲，睇(估)得好辛苦。但呢套"久別重逢"唔玩複雜，穿越表達有序易明，算係穿得通，越得明，交織出唔少暖心超時空愛情感人畫面。另外，導演喺處理故事方面，節奏控制得好好，有日式愛情小品格調，但冇果種拖拉沉悶感，故事一直keep住推進冇悶場，加上日本取景，完全有日系但港式愛情穿越feel果種韻味。製作方面，本片亦有出色表現。首先要讚嘅係攝影。全片攝影取鏡角度優美，亦能捕捉各演員嘅演譯同神情。剪接/分鏡同樣出色，全片流暢自然，睇得舒服，尤其穿越故事，剪接差啲都會睇到觀眾一頭霧水。其他如美術、燈光、配樂、服裝等等都具水準，上得大枱。令整體故事present得好好。本片另一成功之處係選角。好耐冇新作品嘅鄭伊健絕對係最吸引觀眾入場嘅賣點。而伊健喺本作演出並冇令觀眾失望，果種佬味係成熟+型格+浪漫嘅混合體，買飛入場睇佢都值。另外，揾伊健色演片中嘅過氣歌手角色某程度上都係吻合嘅，當响起"我的歌"嘅旋律，觀眾對伊健嘅情懷即時湧出嚟。搵Ian做一個熱愛音樂嘅中學生無論外型同本質都非常合格。而伊健同Ian嘅兩代演譯同一個角色大致上都涵接得到。反而最大驚喜係女主角許恩怡，佔戲最重亦係佢，但表現出色，要生鬼有生鬼，要傷感有傷感，再加上青春可愛外型，成功演譯一個傻頭傻腦同比較主動嘅中五女生，跟伊健同Ian共演都能擦出火花，融入角色同故事。許恩怡絕對係本片一大驚喜。整體本片我冇乜嘢要挑剔，編、導、演...等等各方面俱佳。論製作不比破地獄遜色，論劇本完成度同故事完整性我認為比破地獄高，所以睇完破地獄話好睇嘅冇理由唔睇呢套。本片絕對值得推薦買飛入場。本人亦已身體力行推薦屋企人、朋友欣賞。PS. • 希望片中各演員能有更多佳作比觀眾欣賞👍• 假期好多港人外遊，希望大家返港後入場欣賞，唔好錯過此作。

這部愛情小品加入科幻元素提升可塑性，電影名字改得很有意境，對比同類型電影還是偏平淡，整體節奏稍慢，中段實在有少少悶。.幸好戲中演員提升了電影可觀性，看過但願人長久，爆裂點以及焚城，許恩怡的演出都有點花瓶，這次擔正演出終於讓她有機會發揮，青春可人的學生角色，配搭其甜美外表，背後苦衷令我看到她有演繹變化，有幾下覺得她跟蔡思韵有很相似的氣質。.陳卓賢雖然一直演學生角色，但在戲中彈埋結他唱埋歌真係好Charm；鄭伊健近年上左神枱，演出呢個頹廢角色睇到我都頹埋，貫徹電影的平淡，反觀蔡思韵戲份雖少但演出更有說服力。.電影歌曲唔錯，是其中一個加分位，估唔到伊健同陳仔把聲又幾夾。.觀影平台: 高先電影院.IG: AndyMyFilmography/ #AndyMovieReview

漫畫家阿虫有一幅「鋤禾日當午」作品，下題了幾行字：「昨天已逝，明日是迷，面對今朝，盡力而為」，滿滿的正能量。然而，我們要是一早知道自己的最終結局是when where and how後，是否可以若無其事，仍然從容地活在當下呢？少女夏文萱（許恩怡飾）因為一趟神奇的穿越之旅，得以邂逅數十年後生命進入倒數的中年夏文萱（蔡思韻飾）。更離奇的是，夏文萱出席了夏文萱的喪禮。看着那一個畫面，想像着假如設身處地，我大概率的反應估計是澈底崩潰，就像一些死囚知道要前赴刑場時，整個人𨍥癱乏力。一齣充滿日系敘事及攝影風格的愛情電影，一段本應該被感動的情節，竟被我看成有如恐怖片般驚嚇，只能說，我是一個不折不扣，毫不浪漫的人。《久別重逢》讓觀眾離開戲院時心有戚戚焉，很大的原因歸功於許恩怡。她的靈動跳脫，為一個不太真實的角色，注入了很強的生命力。難怪這位雙十年華的新生代女演員，四年前能夠憑出道作《燃野少年的天空》，一舉摘下東京國際電影節金鶴獎最佳新人獎。相信絕大多數觀看過《久別重逢》的男觀眾，都會羨慕少年蘇昇華（陳卓賢飾）與中年蘇昇華（鄭伊健飾），羨慕他們的生命中，曾經有過解語花夏文萱。另一方面，部分觀眾也許會反過來為夏文萱感到不值，不值她在某個時空裏痴心枉付，最終換來「忽視」。如果說，夏文萱再見夏文萱是一次久別重逢，那麼中年蘇昇華初次遇到少女夏文萱的剎那間感覺，或者更像是似是故人來。歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

悶到好想快d完場。。。zzz劇本係你的名字+情書+不能說的秘密 三套電影炒埋一碟🤷‍♂️

《久別重逢》裏面用醫院、小島、村屋、漁村小天地、村式學校、日本小鎮⋯⋯做背景，完全冇城市渲染，加上有唔少嘅海灘位，整體感覺跳出港產片味道。尤其有一幕日本單車戲，啲日落光真係靚到冇得頂！《久》以奇幻故事本質，但係奇幻結構係極之差勁，因為一去到穿越改變事情係有因果，故事前段已經有透露穿越，咁點解唔係早啲醫病，而只係決定唔做會死嘅手術咁片面呢？只係為今個故事之前嘅設定服務，而唔係將再完滿美化到盡啲呢！鄭伊健同陳卓賢兩質地係接近，由青蔥到失意，都係要一個靈感女神出現帶佢走出去！呢個重任交比新女演員許恩怡，佢上一齣《焚城》係其中一份子，見到一個收檢嘅演出，睇得舒服唔算好突出。今次許恩怡係《久》女主角，同比男主角s小啲啲戲，但精靈活潑適齡演出，非常之好睇。今年有呢種特質女演員有另一位，就係陳書昕。