逆球大叔

個人覺得套戲是好看，雖然故事結構俗套，但演員的演出令整套戲有其亮點。我會形容，如果沒有宋康昊和朴正民如此亮眼的演繹，這套戲會失色不少。導演也很聰明，懂得運用這點，加上對球隊成員的描繪，來掩蓋故事設計上的俗套，這點的確值得一讚。 當然鏡頭剪接的處理也一定程度上幫助了這套戲。還有，我喜歡導演用《洛奇》 的設計。 咁當然，就演出而言，宋康昊和朴正民無疑是整套戲中最亮眼的。 宋康昊繼續展現影帝級的功力，而朴正民 繹演這個富二代的角色， 這令套戲更添笑位和亮點。其中我最喜歡宋康昊與應援團對罵的一場戲。痴·影·夢·藝 X 的專頁 https://www.facebook.com/ckwunmovie/

One Win 逆球大叔我係宋康昊粉絲，佢係我入場嘅最大原因！哩套唔係泰國🇹🇭《人妖打排球》嗰類瘋狂爆笑電影，充其量係輕喜劇，故事同TVB編劇寫得到嘅水準差唔多，不過由韓國🇰🇷演員演繹，就完全唔同檔次！每位演員都有到位同細膩嘅表情，排球比賽嘅CG仍有啲唔順暢，但都比中港台喺哩方面有動感！（感覺上比陳可辛《奪冠》打波場面逼真）當然，睇排球比賽電影想有「熱血」嘅感覺，最好就梗係睇《排球少年》啦！雖然故事發展好意料之中，但係編劇真係做咗排球比賽方面唔少資料搜集嘅工作，因為宋康昊身為教練，臨場對球員關於戰術嘅指點，好專業亦好有針對性，好有說服力咁令觀眾覺得宋康昊真係排球教練！（不過，如果加多啲好似我細個時睇過嘅日劇《青春火花》入面馬志教練嘅鐵血訓練畫面，應該可以喺最後決戰度，將鐵血化為熱血，煽情地感動觀眾，而家就係差啲！)哩套唔悶，不過職業排球聯賽得六隊好似少咗啲，球場燈光偏暗，觀眾又唔夠多，場面唔夠激蕩，所以最後一場打大佬，就算贏咗都唔夠波瀾壯闊、蕩氣迴腸、滾動人心⋯⋯一句講晒「演員好得，劇本老土，場面唔夠大！」

漸進熱血的運動電影，不算太眼前一亮。前半都用頗長篇幅來講球隊情況，中後先至跳高緊張。呈現球賽方式算能稍為在創意上加碼，但是劇本被按住來打。合家歡類型，輕鬆微笑的排球「大嬸」。人物轉折都好簡單。每個隊員都蜻蜓點水，雖然個個背景都有「問題」。前半段各人之間又難分難解，不過亦無甚麼特別想深究。總之大家就真的是谷底翻上，由最弱雞躍升最高最強。各隊員都似超齡阿姨來濫竽充數，或許得隊長比較出力吧。將排球換成其他運動可能都一樣。有錢富二代貪平收購了無人要的粉紅女排球隊，再加輸戰連連的中年教練男主角，找男主角來贏次來再轉賣。變成《飢餓遊戲》般想讓觀眾看到她們想贏的決心。曹政奭亦只是背景客串。算是主角的土豪以為會有大轉變，但是都是始終如一「書」到最尾。少不免東湊西拼的球隊在一開始非常之不合拍，可惜又太能變成笑點。有教練調整位置、手勢開始有良性改變成績上。然後你分析人，人也分析自己，反誤導對方，配合軟件觀察面部表情判斷對方發球。即場引入新角度扭轉逆勢是幾順理成章。長鏡頭算是用來掩飾整體的無癮

韓國終於有一套出奇地好睇嘅體育題材電影！劇情整體都好熱血，又帶唔少幽默搞笑嘅位，雖然有啲老土，都係嗰啲套路，都係睇魚腩球隊在攞到一個勝利後，再拎冠軍，但都係有意義同永遠唔會令人覺得悶！套戲節奏正常，睇得舒服，比賽過程係拍得好緊張同緊湊！宋康昊今次演出實在出色，成功演繹一個一開始在各個領域都失敗嘅中年大叔，最後帶領球隊攞到成績、爭一口氣嘅冠軍教練！美中不足係有啲位有啲急，描述球員性格流於表面同轉變過快，但整體都係一套好電影！

宋康昊演技無可挑剔，拍攝打排球時嘅運鏡都好特別，相信係排球場呈現到如此水準嘅運鏡、刺激感，係落左唔少苦工。不過故事整體都偏王道、易估，最大問題係其實男主角感覺唔太「逆」，開頭話佢勝率只有10%等等盛盛講到佢好廢，經過一輪王道劇情（我都寫得出個隻）後，發現其實佢就好勁嘅，只係之前無攞個「心」出黎啫，感覺有啲矛盾。1. 唔明韓國排球隊運作，但點解主角夢想係去大學教波？甲組職業隊唔係應該係最頂級嘅咩？去大學教波會比起職業隊更有榮耀？2. 既然佢其實好有料，又講到佢好尊重排球，咁點解之前咁hea ？成件事感覺係突登配合劇情寫到佢咁「逆」，但實際有少少掛羊頭賣狗肉feel。《逆球大叔》比起同類型嘅《一球翻身》着眼點完全唔同，《逆》講教練於戰術研究、運用，比較少講「教」個part；《一》就講教練點樣融入隊球，認識每個球員再用愛感化佢地，反而無研究咩戰術。兩套電影講類似嘅野，聚焦點都完全唔同，呢個就係電影有趣嘅地方。so far我自己就比較喜歡《一球翻身》，但宋康昊實在過於霸氣，逆權系列聚焦於佢再寫劇本實在無可厚非！

1. 笑點好少2.冇排球底嘅人會睇唔明，太多術語3. 一如以往嘅劇情風格，首先魚腩隊一隊，個教練突然被個女一句激勵，轉曬成個人設，努力訓練球隊，然後贏咗強隊結論：不值得畀錢入場睇