假冒女團

當初知道係地產仔導演拍，已冇咩期望，純粹為支持anson lo, 估唔到比想像好。內容幾豐富， 除左發掘到anson 另一面，滿足到fans,仲令我留意到另外幾位女演員。 不過略嫌影打鬥及跳舞時，鏡頭郁得太勁， 想好好望清咁型既anson lo,都唔係幾睇到。至於話咩帶出信息，咩意義，其實唔係好建立到，都有d牽強。我覺得當普通笑片咁拍，唔使懶帶出咩意義，個故事應該可以make sense d.不過集合咁多新人黎講， 已算很不錯，可以入場支持。

本抱住爛片心態入場無期望，但出奇地有驚喜。首先戲中咁多新演員都表現自然，由其Anson Lo同Chloe So, 由頭笑到落尾，中間仲有感動位又有訊息帶出「認真做先有意義」。Anson Lo喊戲仍然有阿牧影子，跳舞部份好似睇緊佢自己Anson Lo跳舞咁，但武打戲份真係不得不佩服。做得好呀！內容都豐富丫。Chloe都好cute, 自然唔作狀。可以一睇!

輕鬆笑片，AnsonLo做得好好！👍🏼

坦白而言不是大製作，入場亦沒太大期望。故事內容比較單薄，但演員表現有救到。尤其是打戲部份，真的很有型。盧瀚霆第一次擔正，沒有偶包，算是不錯。整體而言笑位有到，主旨表達了。總結，入場輕鬆笑笑之選。「認真做先有意義」

入場睇完竟然覺得有驚喜，故事發展得好快，唔悶。有搞笑位，有打鬥位，有感動位，仲講咗一句好有意義嘅說話 「只有認真做才會有意義」。扮女人嗰下，完全唔覺得核突，仲覺得好可愛。