美女與野獸 3D動畫版

👍👍👍👍👍👍👍👍👍👍👍👍

首先，請觀眾準時入場，否則對其他準時坐左響度既觀眾好滋擾！入左場之後（已開場）隔離仲有人施施然去買爆谷，自私到暈，要買爆谷唔該早啲到！講返套戲，簡直係神級經典，難怪係第一套入圍奧斯卡最佳影片既動畫，雖然已經睇過好多次，但仍然相當感動。故事帶出的寓意深遠，愛就是要犧牲，要犧牲才能感受到愛，雖然道理聽過好多次，但呢個乜都講求速食既年代，有幾多人做到？獵人Gaston 雖然靚仔大隻、全城羨慕，但完全唔明愛既意義（同未變Beast之前既王子好似）；Beast 雖然又醜、脾氣又差，但至少唔會好似獵人咁陷害人。呢個係愛情故事之外，對觀眾有啟示既情節。技術方面，3D絕不欺場，唔係得字幕3D( Titanic 3D 就係），雨雪場景精心細畫，Beast 同 Belle 跳舞果場極度浪漫，歌曲同配樂更加係走在潮流之前50年。之前睇過咁多次，都原來有啲位忽略左，今次入場睇返動畫版，更加覺得睇戲一定要入戲院！