闔家辣

笑點頗多，但劇本有點鬆散不夠紮實，多點篇幅做好返起承轉合會更好，有點可惜。但輕輕鬆鬆放鬆下是不錯的選擇。

個人覺得套戲是比預期之中更好的，他好睇的除了笑位處理（的確今次灘叔的所設計的笑話的確好睇。貼地之餘，食字功力也是高），而在嚴肅情感位的處理更為出色。這點是我預期之外。我會覺得這套比較以往只有胡鬧的舊式賀歲片，更為添加了深度，而鄭導可以將兩者完美融合到。其中我最喜歡三姑唱萬水千山總是情的兩段同 胡子彤 在車上的一段戲（我會覺得這幕的威力有如 貝爾法斯特 中最後所出那三句）是令套戲更加昇華。可以深深反映出當下我們社會所面對的情感狀態。笑位設計方面，鄭導同灘叔今次的處理真是出色，貼地之餘又有巧妙般向再星爺以往的經典橋段去致敬，這樣的處理。而鄭在場口處理調動方面技巧也是高，純粹廁所爆石一幕已經精彩，他可以大膽地連希治閣的觸目驚心也拿來玩，香豔得來又玩得有本土屎尿放屁式地道。這點通鄭導的調動功力的確值得一讚。演繹方面，無論上把呂爵安、鄭中基、梁詠琪三姑或者客串的胡子彤也是演繹得好睇。上把下把分位明確，而各人互相之間的化學作用很大，可以做到一加一大於二的效果。而故事處理同設定也很貼地，沒任何的違和感，無論是WFH、網絡行銷、隔離設施、帶口罩等設計也是深深貼近我們當下的，比較早一兩年前，TBB套 總有愛在隔離，這套明顯貼地同有共鳴很多。我略為覺得吳嘉龍反派的設計有點寫得不好，沒空間去發酵，如果多一點描寫會更好。PS：戲後那四個彩蛋，個人覺得是一個比一個更精彩。還有個人覺得套戲好 ViuTV 的痴·影·夢·藝 X 的專頁 https://www.facebook.com/ckwunmovie/

對白風趣搞笑，群星串演賀歲片，富港式風味，幾個爛gags 好爆笑，特愛黃德斌那場。ERROR組合很有喜劇細胞，袁澧林富文青FEEL。支持香港電影。

論電影而言, 此片劇情雖然完整但平庸,笑料生硬亦不是很好笑只值3星。但此片含有不少港味同香港近年嘅一啲社會現像,特別令真香港人有不少滋味在心頭。加上片中演員全部都係真香港演員,令真香港觀眾睇得特別順眼。呢種獨有元素其他荷李活億萬巨制大片都冇可能做到,所以加1.5星。另外我認為全最好睇好笑嘅反而係完場字幕同彩蛋,所以各位觀衆一定要睇到最後粒字幕。

呢套戲「闔家辣」如果以廣東話命名即係「冚家辣」，我以為較通俗傳神，或者係北望神州呢個大大市場啩。個故事內容唔使多講，幾位主線人物包括一家三口：鄭中基(Alan)、梁詠琪(Rita)、Edan 呂爵安(Coba)，以及吳君如演Coba 姑媽，都演得出色，鄭中基嘅喜劇感更上一層樓，個造型都好特別好搞笑，Edan 演個學業成績唔好嘅男拔仔，做唔到專業人士，轉身做音樂人，疫情下被炒，靈機一觸同父母合作在網上賣自製辣椒醬，藝齡淺但估唔到演得咁好，大有前途。戲內好多好貼地情節，令人忍俊不禁甚至捧腹大笑，有幾個英文諧音，例如：Molly Yau, Francis Kong, Siu Nancy ，呢啲笑話或粗話實在無傷大雅。吳君如扮演Coba 嘅姑媽，佢個仔忽然話要帶同妻女移民英國，短期內就要離開，阿媽好唔捨得問佢係咪一定要走？冇回答，在沉默中阿仔顯得無奈並眼有涙光，我亦為之黯然。正如當今大多數香港人處境，一切盡在不言中，一切聽天由命，只求上主(或主上）開恩。吳君如一曲萬水千山總是情，聽來傷感心碎。本片拍得十分好，係近期最好睇嘅本地製作。

一星給宣傳和發行，大賣的功臣！