魔胎

個人覺得電影在場面、鮮血、暴力、鬼疑方面都做得不錯，令人有些挑戰倫理道德宗教上挑戰觀眾的抗驚嚇能力，N世代前，白燕在破廟獨自產子、九龍城寨王九身中N拳后行得企得，個人感覺這女角更勁。本人對宗教門外漢和沒偏見，片中牧師說“若上帝覺得這些是暴行，為何不去制止”，頓時有迷惑感覺。

哩齣戲非常之反基督教！偏僻意大利教堂企圖利用將耶穌固定喺十字架嘅釘上殘留血跡，搵到佢嘅DNA，然後複製胚胎，放入童貞年青修女子宮內，製造另一個聖母和另一個耶穌，然後「引領」世人皈依。哩種諗法令我諗起小學時修女同我哋講聖經啟示錄嘅預言，喺末世有偽神，甚至冒充救世主嘅假貨，聖經稱之為「敵基督」，妖言惑眾，誤導信眾，實際把無知嘅人送往撒旦懷抱，永遠受地獄之火煎熬，所以如果選擇信仰，都要好似戲中Cecilia修女保持清醒，不要意志薄弱，被偽信徒迷惑，誤己害人！其他反基督教嘅場面仲包括用十字架打死院長、用十字架釘割喉、修女裸露露點、神職人員爆粗、修女殺人自殺殺嬰⋯⋯全片好多暴力血腥核突場面，加上Sydney Sweeney例必show show自己驕人嘅身材以滿足fans，以及大膽或者離經叛道嘅意識，綜合成就了哩部反宗教嘅三級片！相比近期我睇過嘅韓日恐怖片（屍咒＋詭異之家），哩套叫做比較嚇人，不過雖然有好多jump scare、茄汁、化妝同幽暗燈光/環境，但大多數都係觀眾可以預見嘅，知道到時到候就會出現，有晒心理準備，對於睇恐怖片想驚餐飽嘅觀眾，可以話係到喉唔到肺，唔係好止到咳呀！電影真正嚇人嘅係故事主題、不良意識和攝製動機！自從兩次世界大戰，信天主教、信東正教同信新教嘅白人互相殘殺之後，加上大肆屠殺與耶穌同㮔嘅猶太人，人類越嚟越接受上帝已死這種講法，對宗教嘅信心每況愈下，才會有AV女優著住修女巫女衣服開工，加上近年中西日韓都拍咗唔少唔係好尊重宗教嘅鬼片，所以可以推斷好似《魔胎》哩類咁䙝瀆神靈嘅電影會陸續有來，人類對宗教導人向善嘅傳統功能越發懷疑，邪教流行，各種各樣嘅敵基督都會層出不窮，希望大家好自為之，期望能把judgement day越推越後，否則未世降臨，天啟四騎士所過之處生機滅絕⋯⋯但可惜普及文化流行末世，電影Mad Max、鬼片、甚至超級英雄電影諸如X-men同Avengers都不斷宣揚末世，加上強國蘇俄伊朗北韓越走越近，邪惡軸心已成，甚至二戰後以為會消失嘅極權主義/法西斯主義於21世紀復活，肆虐東亞、西亞和東南亞，甚至香港⋯⋯希望我有生之年可以避過第三次世界大戰或世界末日啦！（利申：非基督徒，冇宗教信仰）

頭半粒鐘正路恐怖片舖排，玩下jump scare，以為睇緊凶兆前傳。之後劇情開始大暴走，變咗cult 片，全片其實唔係講鬼，cult 片嚟講一般般，較震撼係最後果場“自生自滅”，道德上同意識上都好大膽，超越人類道德底橫。😄

劇情鋪排跟第一凶兆的故事如出一轍，只是受孕過程不同，而當中懸疑位或扭橋少得多，驚嚇位以Jump Scare為主，氣氛營造很一般，節奏掌控得差，要不是太快未有心寒感覺，要不是鋪陳拖到覺得悶。後段女主角反撃更換武器是為了戲劇效果嗎？.Sydney Sweeney自然是戲中亮點，但我又唔覺得好突出。反而觀影時覺得男主角很眼熟，原來真的是紙房子的教授！可惜戲中發揮唔多，角色塑造太少。.觀影平台: 嘉禾Megabox.IG : AndyMyFilmography/ #AndyMovieReview

《魔胎》，就算被外國影評吹噓得有多厲害，也沒有辦法改變它的內容沒有驚喜，純粹搞一些簡單的Jump scare去佈置氣氛的事實。當然，它並不是沒有存在價值。《魔胎》的最大價值，我覺得就是用來證明Sydney Sweeney的身價。說真的，我夠膽相信《魔胎》 是為了Sydney Sweeney度身訂造。因為故事圍繞修女、中世紀教堂陰暗面、偏執信徒⋯⋯老實說，這些都不是什麼新鮮的點子，再加上電影設計的恐怖氣氛也不夠力，只能勉強靠jump Scare構成一部恐怖電影。只不過，就是因為有Sydney Sweeney存在，影迷會期待到底在這部電影中，她又會有什麼突破性的發揮，又或者只為看見Sydney Sweeney的俏修女形象而入場。因此這部電影能夠有票房進帳，我覺得有99%都要歸功於Sydney Sweeney。當然，Sydney Sweeney也不負眾望，《魔胎》 中刻意加插的一段祼戲明顯就是用來堵住觀眾的嘴巴，讓他們看到想要看見的一幕。雖然大飽眼福，但並無特別成功部電影加上多少分數。其他詳細影評，歡迎來到爆米花族的世界參觀：Ig：popcornmoviehk