友誼永錮

個人覺得套戲不錯，導演在描寫和氣氛處理上是合格，但略為覺得在個人感覺上好像欠一點般，純粹以技藝來講以人性驚悚片來講，是合格。她入侵她生活圈的推進是略快，但之後的處理卻又回歸合理，到尾段困獸鬥是到肉。但略為結尾收筆個人覺得有點兒戲……如果講演繹來講，雨蓓的演繹遠比嘉莉莫好得多。她演繹這個入侵者的演繹是很到。痴·影·夢·藝 X 的專頁 https://www.facebook.com/ckwunmovie/

《友誼永錮/Greta》故事完整， 老角變態演技會令人不寒而慄之感，能做到有令人不安嘅場面！

睇到差不多一半，至明白點解呢套戲名「友誼永錮」用個「錮」代替「固」。兩位主角Greta(伊莎貝雨蓓飾）、Frances (嘉兒莫蕾絲飾）都演技精湛，絲絲入扣，前半部帶觀眾走入懸疑驚慄境界，但可惜之後無以為繼，似乎有頭威冇尾陣。不過，冠蓋滿京華 ，斯人獨憔悴，Greta 同Frances 都係繁華都市內失去至親的寂寞人，在一個特定的時空遇上，有人痴心，另有人黐線，就由此造就一段奇緣。一個不錯的故事，不妨入場觀賞。

劇情唔難估，但整體氣氛做得很不錯，不寒而慄的心寒感經常出現。故事教訓大家，千萬不要輕易對陌生人交心，有心算無心是可以很恐怖的，而且警察不論國家都是廢的。很喜歡斷手指打針一幕，夠癲夠變態。Isabelle Huppert 做得很出色，Chloë Moretz雖有進步，但硬是有種生硬感。全片唯一不爽是偵探的行為白痴得有點過份，令我在最後看了兩次錶，看看是否已經結局。更多影評在⬇️Facebook / Instagram : Mr.PolarKuma

整體懸疑氣氛很好，明顯低成本，但劇本好、變態婆I.H.演技超班，令套戲加分。肥妹仔新人Chole行緊運，好戲一部接一部，仲做埋SK2代言。演驚嚇都OK，但內心戲仲未得，新一代演員以為「呆」「木訥」就係演技。做佢阿爸、超頂級演員Colm Feore就浪費晒，佢個角色求其搵個阿茂演都得，請得佢，應該加多d複雜戲份俾佢，套戲一定會更有看頭。女主角Isabella Huppert 真係非常出色，個化妝及造型要讚，故意好多瑕疵又唔過火，失婚喪夫喪女變態孤獨優雅端莊老女人，咁複雜的背景心理，但幫佢打扮得好似。仲記得租帶年代，睇左佢好多好戲，佢演的La Pianiste驚為天人。有料既演員，唔使成日要曝光，搞爛新聞，靜待好戲來臨，一發揮就所向披靡。