海霧

我有諗過點解呢套電影叫《海霧》，因為冇一個鏡頭有霧。後來我再思考下，我估計係海霧蒙蔽咗人心，籠罩住每個人，海中心氾霧，最容易發生意外。－ #被海怪耽誤的權力之爭電影成套電影最吸引嘅地方係男人之間嘅權力之爭，應該係話人與人之間嘅黑暗面，打交又好杯葛又好，都係拍得幾好。有一幕我係幾中意嘅，就係阿傑（王陽明 飾）同阿泰（鄭人碩 飾）係密室打鬥講數時船隻漏水，最後阿泰犧牲自己抬起阿傑逃生，除咗阿泰浸死個鏡頭好震撼之外，仲有一種船員「生於海，死於海」嘅感覺，雖然阿泰係無辜，但都帶出咗人類破壞海洋，最終都會被海洋吞噬。而講返海怪啦，好多人都笑呢隻海怪都唔夠恐怖又唔夠大隻，想幫佢平反一下，其實我覺得呢個setting仲好，因為正正表達到因為核廢料而令到海洋生物變異等等，宜家就岩岩好，帶到呢個感覺。但我個人離講都係唔太中意海怪打鬥畫面，電影係歸類為「驚慄」，但好可惜帶唔到呢個感覺，只係有一種超假嘅主角光環，若然將呢套電影主線放返係男人之間嘅鬥爭，將海怪嘅戲份減少少，就恰到好處，但海怪的確係一個Gimmick，只可以話主線欠清晰。 －#壞人不夠壞丁哥（李李仁 飾）成套電影都冠上咗壞人角色，又一開始唔理船長反對強行帶貨走私，到後來將逆佢意嘅異己摌除，仲不顧兄弟情推灰熊（灰熊 飾）送死。睇落好似冇問題，但竟然到最後佢好似教育電影咁主動幫阿傑抵擋住海怪，強行將一個壞人角色係冇特別原因下變好，有啲摸不著頭。－#劇情稍欠合理性小菁（柯佳嬿 飾）係海面上飄浮好多日而被船員撈起，令到丁哥誤會佢係接貨嘅同夥，而佢嘅行為一直都好古怪，無疑佢最後澄清自己真實身份係一個大Twist而係估唔到嘅，但略欠動機，點解要咁冒險出海面上飄浮幾日至脫水呢，實在有啲講唔通。同埋阿傑老婆難產離世，但阿傑個女就而阿傑應承咗媽媽唔再賭錢為由，勸佢戒賭。一個咁細嘅小朋友咁成熟嘅思考已經超越想像，更何況佢連媽媽都冇見過，即使係每日係遺照前裝香，都未至於對一個小朋友咁多影響力。－#海霧 #AbyssalSpider #王陽明 #柯佳嬿 #鄭人碩 #李李仁 #錢人豪 #台灣 #台灣電影 #電影 #睇戲 #影評 #香港電影 #hkmovie #moviehk #hkig #ighk #tagforlike #tagsforlike #f4f #l4l #hkgirl

🦀《海霧》✖️’Abyssal Spider’ 🕷💬「大自然是會反撲的。」🌸🎟🌸🎟(劇透注意👁👁)🎟🌸🎟🌸台灣首部海上驚悚災難電影，由錢人豪執導，演員陣容強大，包括：王陽明、鄭人碩、柯佳嬿、李李仁等。全片幾乎都在滿佈鐵鏽、殘破不堪的漁船上拍攝，人與人、人與海怪困獸鬥，驚險百出，身為女觀眾更忙於為戲中女角色提心吊膽（船上全員麻甩佬，好危險呀），娛樂性和刺激性俱備！劇情不但警惕世人海洋污染問題，而且大力諷刺利欲熏心的醜陋人性，不禁讓人慨嘆：有時候人類比怪物還可怕。雖然船上「現代版花木蘭」的情節讓人無語，海怪的造型更像是阿拉斯加長腳蟹多於蜘蛛，但總的來說，《海霧》是挺好看，激烈的打鬥場面不乏重口味血腥暴力，覺得有收獲到！哈哈！- - - - - - - - - - - - - - - -#影迷女生的電影札記 Ig : movieholicgirls

竭盡人性真面目，引導生死關頭雖然總會自私，同時亦會珍惜某一些朋友，導演處理這個問題10分純熟，加上面對死亡的時候，怪獸的侵襲，究竟每人心心裏盤算什麼價值呢

呢套戲深度十足，人性到底係本善？還是本惡？每個人都有自己想保護嘅嘢，得到嘅野！出發點唔同，步伐唔同，帶來的只有是爭議，誤會！

張力十足唯有團結 先可以保住自己條命