噬逃險鱷

驚嚇度可以，但未突出惡魚恐相，狂風暴雨又唔夠猛，有D未夠喉。男女角比惡魚甘咬法都未死得，流血都流乾啦！真係有D誇。

颶風+鱷魚，典型災難片格局，但我覺得整個劇情鋪排，似恐怖片多d而鱷魚部分算唔錯，而畫面偏黑暗，會令睇到有窒息嘅感覺~4.1/5(82分)

爬蟲災難片通常都唔會預佢有甚麼劇情，總是困獸鬥，今次加上颶風，間中有些驚嚇場面，就湊成一個故事啦，又有啲人要岀嚟送死，唯獨是兩父女身受重創傷，仍然可以大難不死安然渡過，獲救收場。

故仔簡單，好快已經入肉，亦算多鱷魚戲份！不斷地營造到一浪接一浪既緊張氣氛，亦唔代表主角係無敵，都有唔少被咬位！鐘意練水既人應該會好岩睇，有共鳴！扣半分喺CG，鱷魚唔算係造得好似，有少許破綻位，不過都收貨！

最值得看的鱷魚電影，87分鐘絕無冷場，劇情簡單直接，文戲甚少，整體故事完整，可以話集合溫情、驚悚之作，又可以同時享受兩種超級災難~超級颱風與及猛獸襲擊，鱷魚造型尚可，而且非常多條，好像無處不在，而且神出鬼沒，整件事在地底室發生，因空間小，增強了懸疑感，父女情也不俗套，驚嚇橋段沒太高明，但看現場反應，真的把觀眾嚇倒(包括我)，畫面不太重口味，沒非常血腥，但亦不減官能刺激。當中有幾個情節要吐槽一下，又是打電話救求，但又不去安全地方，不過這個情節愚蠢得黎又相當緊張，女主角光環亦強大，骨瘦如柴的女角，給鱷魚連咬幾口，身處多傷時，作為父親竟鼓勵女兒戰勝鱷魚，結果真的比鱷魚游得快，多麼厲害唷，激發無比的求生意志，有無發覺飾演父親十分像nba球星奴域斯基。

簡單劇情環節就係一間屋幾個人打風落雨水浸加好多好多條鱷魚不過幸運嘅係妳游水游得好快同埋出奇地唔怕痛🤪🤪🤪誇張得嚟~但係我又俾得幾高分因為成輯戲咁緊湊好睇男女主角拍得好辛苦㗎👏🏻👏🏻👏🏻基本上全套戲都係濕淋淋同狹窄空間