所羅門的偽證 後篇‧終審

故事过程太意外中间讲左好多无关事的野各各人唔正常

終於睇埋下集，呢班後生仔女演得真好，完全唔覺得佢地在演戲，就有如日常生活，真情流露，冇矯揉造作。但有啲情節略嫌拖長，校內審判搞到開場50分鐘後先至開始。有啲鏡頭又覺煽情多餘，例如樹里同涼子在審訉途中，因激動而忽然成個人暈倒地上。除此之外，都好有水準。我最初以為佢地想以疑犯大出平日嘅惡行或性情乖戾，而反証他殺人動機，有如卡繆異鄉人小説中的莫梭給定殺人罪那般荒謬，原來唔係我諗得咁低B，峯迴路轉，有意想不到結局。戲亦帶出一點人生哲學，人往往為了自保，在大是大非前，故作無知或推卸責任，試看最近政改表决，大家就好清楚啦。耶穌講得好，你們若冇犯過罪，就用石頭擲死佢個罪婦啦。

第二集講述班學生經過各種困難,父母同意,校方OK同埋警方也接受,並且交出查案時的筆錄,相片,和証供。要傳召很多有關証人(包括警方)出庭作証供,過程殊不容易。但是戲中各人落力投入,最终這個校内法庭,成功召開。最后經過五天的審判,每天庭上早常見到的,就是眼淚。我喜歡堆理小說和電影,Miyabe Miyuki"宫部美雪"這部提材很新鮮,一般推理小说發現柏木和其後像似意外的屍體後,大家都聚焦在暗處的兇手,投入地去抽絲剝繭把兇手浮現。本片推理橋段創新,各演員投入並自覺地發揮。很欣賞"大出"演繹日本爛仔和"神原"的神秘感。個人感覺150分鐘是拉長了,節奏可以明快些更佳。日劇就是這個樣子,見面和再見都加入些無謂的客套說話和躹躬,兩集四個半小時加埋就浪費了不少菲林了。最後因為是堆理片我不打算劇透兇手了。

前篇留低左好多伏筆，呢集完全解釋曬，其實係第一集已經睇得出男主角好有問題，尤其係佢話柏木係度測試更自己。後篇嘅故事以致解密過程都非常精彩，男女主角雖然年紀好輕，但演繹得非常好，學校個法庭雖然唔係真嘅，但好有真實感，而且真係比到人說服力。死左嘅柏木其實反映出宜家社會嘅情況，唔少人因小小野就想自殺，而中學生自殺可能就係因為壓力太大，其中一個導致呢種情況發生嘅原因就係教學風氣。

由上篇開始帶出事件，後篇主要集中於校內法庭進行審訊。 見到啲學生好似大人同律師咁進行審訊，感覺好特別，雖然只係學生，但係佢地都非常認真，全部依足正式審訊嘅程序，見到佢地咁努力盡力做好自己法庭嘅角色身份，真係覺得好熱血，係一個好完整嘅結束。