救參96小時 3

主演已经老了本集很多特技完成期待他以后的戏

自從廿年前看過舒特拉的名單，之後里安納遜的每套戱我都不會錯過。大半年前他的直航殺機上映，我當然捧場，他在該片的角色，論性格、職業及外型與救蔘(Taken)差不多，係罪惡死對頭的一名鐵漢。今次Taken 3 戲內一個關鍵人物未死，相信仲有下文，即仲有第四集。來到第三集，主角拜恩被屈殺妻，遂捲入與俄羅斯黑幫大廝殺，拜恩出身美國特種部隊，俄黑幫頭頭亦正巧來自蘇俄特種部隊，兩雄相鬥，始終都係老美贏。但原來現今這世界唔係美俄兩條大砲玩晒，仲有好多騎呢怪出來搞搞震，除了向上主祈禱，亦祈願世上多些拜恩這類人物出來維持秩序，長江後浪推前浪，落雨了，就撐遮，打風了，就入去避風塘，英雄老去死去，還有更多熱血新血去對抗黑金勢力。拜恩，Bryan Mills with us all the time.

《救參96小時》第一集：好睇在簡單直接，如何可以隔空教女逃生，人在法國點樣利用舊有人脈揾返個女，瓦解犯罪集團，拍拍籮友走人。第二集：至在重複加馬兩母女一齊被捉，玩土耳其仲食James Bond頭啖湯，暴走屋頂⋯⋯等動作場面仍然係強項。但聽聲揾女過程太分神化呢個角色，即刻大打折扣。但仍然殺完人不了了之，因為身在異地殺壞人，我放過你。嚟到第三集Famke Janssen好老，同舊年睇X-men差咁遠嘅，阿婆咁！Maggie Grace明明第二集已經大個女，依家已經有三張啦又肥面，戲入面重讀緊書，咪啦！Bryan Mills呢個角色畀人冤枉唔係唔好，但十足Mission: Impossible咁冇新意！而今次更加只喺美國發生，重有警察介入，唔係自衞殺人，係復仇式謀殺，逃亡時連帶做成交通意外冇死人？可以冇事？同有角色由好人變大壞人，真係任佢寫，吹Q脹！值唔值得睇？以純動作片睇，短、速、多角度剪接有力有型，好睇！加埋劇情，咪當觀眾係傻至得架？

一直追開救參，第一集救女，第二集救老婆，十分期待第三集還有誰要他去救？故事延續著頭一二集的緊湊，主角繼續打不死，雖然有点誇張但總算合羅輯，一幕接一幕的追逐、打鬥、子彈橫飞，令你忘了是否仍在96小時當中，全片沒有悶場。最後，我敢相信 Porsche 的速度真的可以快過小型飞機，我已經在期待下一集的出現，幻想是否去救他的外孫？又或者外孫已長大成人，倒轉去救外公？延續至救參113集之類 。。。 from a die hard fans

Not bad but definitely not as good as 1/2. I wonder who is going to be kidnapped next...