小魚仙

個人覺得本片制作認真，畫功上乘，故事怡人，歌曲悦耳，娛樂性豐富，值得一家大小去看的電影。海底場面色彩繽紛，創作力豐富，那場海洋生物大滙演，甚有睇頭。那2隻海洋生物及1隻海鳥，活潑鬼馬，為電影增添樂趣。無論在海洋及人類社會，父母的都希望給子女庇護和安穩生活，而年輕人都對未來充滿憧憬和求知而甘於冒險，縱使有拗撬，始終血濃於水。本片值得去看。

故事一般, 整體制作不俗, 音樂、美術、剪接、画面表達都合格以上, 唯選角失敗, 非常突兀, 影響整體觀影感覺, 所以要扣啲分。此片屬一看無妨, 但冇睇亦並非損失。其實種族同膚色、靚與醜絕對唔係問題, 最緊要配合劇情、角色、故事/文化背景, 同埋劇情需要, 唔可以夾硬嚟！唔通揾白人演秦始王咩？又或者揾羅家英演貓王傳咩？攪下笑或者拍怪雞電影就得~~~！其實皇子同皇阿媽選角我認為都唔掂, 皇子外型冇charm冇演技, 皇阿媽就...似管家/家庸多啲, 而且黑人同歐陸城堡同宮庭貴族服飾唔夾。海皇外型冇霸氣亦冇料到。另外, 女主角角色設定加番多少少含蓄好啲, 而家好似有啲好喉擒想嗒仔咁😅又或為咗單程証去陸地居留而喳喳林上條仔😄全片蟹仔一角最出色！👍 其次係八爪魚親戚。

綜觀成套戲，我係深深被男女主角之間嘅愛情觸動到，呢個係我對呢套戲評價如此高嘅原因。故事裡面一直都講緊人類同人魚因為外在身份而互相排斥，而我地睇人亦唔應該只睇外表，女主角喺大眾審美觀裡面唔係靚女，但會有種越睇越靚嘅感覺，希望呢套戲唔好比一d成見所影響到。再講吓有咩唔好嘅地方，海底世界除咗一開頭介紹果陣好靚(第一印象) 之後大多數都係深色啞色為主，死氣沉沉。男女主角建立感情期間太多旁人干擾，稍欠浪漫。同埋boss戰都係走恐怖風格，最後boss死法實在有d兒戲。 至於d歌，喺戲裡面配合劇情真係好正(而且女主角唱功真係好好) ，但睇完拎返出嚟聽又覺得一般。相比喺同類最好睇暫時係96分嘅阿拉丁，呢套的確有唔少差距。4.6/5 (92分)

膚色以外，真魚版的故事同之前動畫版(1989)亦有不少改動。以女主角出發，一位好奇人類世界的人魚公主救了陸地上一個男人。然後靠邪惡姑姑幫助施法上岸，但代價交換其歌聲，不過原版就人魚變成了泡影而電影就Happy Ending。艾力王子的選角 Jonah Hauer-King 的確好有王子魅力。女主角唱的 Part Of That World 好聽不在話下，而新增相對艾力王子的 Wild Uncharted Waters 呼應對父母的控制，對自由與新世界的渴望，一樣傳遞毛管戙的情感，有種經典迪士尼的感覺。男主角背景滲透得較完整。女主角去到人類世界有種Forzen的Anna的 For the First Time In Forever，每樣事物都非常好奇。王子跟一般王子不一樣，會落手落腳貼地的，再加上比動畫版增加更多其身世背景。而兩人相愛過程亦補足不少，有交疊的興趣與一個私人收藏庫。女主角選角之外，喜劇元素都好豐富，好似她的魚蟹鳥朋友幫忙做媒人一段，尤其聲演潛水鳥的 #Awkwafina 好串嘴！The Scuttlebutt 這首合唱Rap歌真是好得意，順便交代給女主角知王子下一步「要提親」。做識魔法邪惡Auntie的反派是喜劇演員 Melissa McCarthy ，女心尸之前的《凸務MADAM》都好搞笑。今次反而蜻蜓點水幾個笑點可惜～最尾她做人類的角色反而是整套戲最靚的角色⋯⋯除了狂旋轉的鏡頭，開頭父皇禁足人類世界的理由有點簡略，少了陸上人們對於人魚與海洋的危險。而最後的人魚人類種族共融可能有點尷尬的，將弑母仇恨、海洋破壞等前事勾消。

睇迪士尼全新經典演繹《小魚仙/The Little Mermaid》，就算女主角唔好睇，剩睇水世界都會好睇啩？1989年同名動畫電影真人改編版，自開拍前自選角階段便已備受爭議，最終由非裔的美國人荷爾貝利飾演小魚仙艾利奧，其實電影好不好看，並非只關乎選角的好壞，還得要看成品岀來後的結果如何？若客觀的看此電影，除了選角外，其他問題不大， 劇情依據動畫版小魚仙，變化不大，適度的刪減，經過調整後還增長了篇幅，耳熟能詳的金曲「Part of Your World 」依舊動聽，荷爾貝莉的歌聲其實亦真的很好聽，可得到肯定，雖然大眾對她的審美眼光不大認同，不過睇人不應單看外表，而且睇睇下有時仲會感覺越睇越靚，對她的整體表現也可算合格。而電影海底場面色彩繽紛，絢麗奪目，結局經過改動，跟動畫版略有不同，結尾融入多元文化，其實…講真吖公主係咪實係一定係靚女呢？唔靚就唔可以係公主？🤣總括套戲係好睇嘅，睇戲還睇戲，不要因為主角就先入為主，而忽略了其他電影做得唔錯嘅方面，未睇就已經話套戲唔掂！

真人版新故事新結局。