裡應外合

三年前的十月廿五日，袁劍偉的《裡應外合》開鏡，三年零一日後的現在公映。不到一個半小時的片長，九成廠景，估計三幾個月已可殺青。晾在一邊兩年多才上畫，箇中原因，不難想像。較早前批評馬浴柯的《重生》，「故事不行，動作場面也乏善足陳」，只值兩星半。原來沒有最低，只有更低。曾經很喜歡電子遊戲「鐵拳」，PSP初面世，假日躺在床上一打，可以一個下午。眾多角色中，Eddy Gordo 的Capoeira格鬥技巧最為吸引。數年後在《冬蔭功》，看着大銀幕上Tony Jaa跟一名Capoeira高手對打，有一種回到遊戲裏的感覺。「鐵拳」另一個有意思的地方是，人物的故事很豐富，脈絡清晰，挺有意思。《裡應外合》所建構的超現實世界，是一大堆沒有理順關係的抄襲。角色與角色之間的互動，欠缺了溫度和人情味。整齣電影的失敗，就跟片名的第一個字一樣，邏輯混亂。裡和裏，是同音同義的異體字。如果仔細考量一下，將衣放在旁邊，和將衣放在入邊，那個更適合代表「裏」的字義呢？歷年感想，存檔IG及FB：pm7290movie（https://www.facebook.com/Pm7290movie-105185654399988/）歡迎瀏覽。

我欣賞套戲係意識上好大膽, 的確係香港少見既題材, 主角係現實同意識上面穿梭, 拍得好應該係經典黎。好可惜電影明顯眼高手低之作, 先唔講現實同意識拍得流於表面, 畫面呈現得幾兒戲下。場景7成係廠景、背景唔靚、由其是係啲衣裝, 似拍緊教育電視咁款、中間仲加插畫風麻麻地既動畫黎解釋劇情, 明顯budget有限, 但無budget唔係套劇個劇本寫得差既理由！個啲咩江湖呀、神牌呀、地下世界王者全部都只係「設定」, 拍到1999咁, 但睇唔明根本唔重要, 對故事發展完全唔影響; 演員黎講除左張繼聰做得比較好, 同埋龜伯個演員咁老啲腹肌都咁靚比較亮眼外, 其他都係趕客級別, 由其是余安安, 個種哭喪式演技睇到我想離場; 打戲好多場鏡頭好晃動, 根本睇唔出打左落邊Q到, 武打套招方面我睇開甄子丹大既就覺得唔多高明, 起馬我自己有種: 下就咁咋既感覺?總結黎講, 套戲個主旨大綱其實想法唔錯, 但文武演都唔掂, 好難想像係拍得出《暗色天堂》《盜月者》呢啲唔錯電影既袁劍偉拍(雖然《季前賽》都伏伏地)