人工殺姬

作為驚嚇片，氣氛算是不俗，智能公仔造型令人不寒而慄，溫子仁雖不是導演，對這類型影片是有功力，感覺是綜合融合了前類電影的驚嚇點子。而Al目前的發展，不難想像它在各方面不比人類弱；而現實狀況是小孩長期沉迷於電腦，性格孤僻、不合群和具侵略行為；AI 玩伴不能完全代替家人關愛。制作完整的科幻驚險片。

預告片機械邪娃既詭異又型格嘅舞步令我對此片滿有期待,點知失望而回。全片劇情簡單直接,而且堆砌, 既不懸疑驚嚇、亦不血腥暴力, 連jump scare都冇乜。最重要嘅女小演員嘅角色塑造、外型同演出亦只屬一般。此片只能說是一看無妨,但冇睇亦唔係損失。

megan造型大概90%像人，充分利用恐怖谷效應(明明好地地唔出聲都覺的恐怖果種), 一半科幻一半驚慄，中間竟然仲有感動位，真估佢唔到4.4/5 (88分)

見到James Wan監製都有少少期待，電影驚嚇氣氛做得唔錯，開場無耐個Jump Scare都嚇一嚇，Megan的表情與行為營造到令人心寒的感覺。.雖然Megan做得好真實，但其實劇情類似娃鬼回魂加智能叛變，由小朋友的親密玩具變成有智慧的殺人機器，中間帶出玩具並不能取代父母照顧以及朋友社交，以及電子「竊聽」的訊息，這類電影實在屢見不鮮。M3gan後段去到失控的行為就純粹為做而做，不過真係好癲！.近期唔多恐怖片上映，睇呢套都可以止下癮先。.觀影平台: B+ Cinema Moko. IG : AndyMyFilmography / #AndyMovieReview

一套非常有趣及啟發性電影，不能錯過。呢套戲英文名叫Megan，就係戱內人工智能機械人AI Robot 嘅名字。呢個Robot 就係女主角珍瑪Gemma(Alison Williams 飾）在玩具製造商趣奇Funki 嘅最新設計，準備推出市場，四尺高，可以觀察到人類各種情緒狀態（憂慮，內疚，悲傷、開心等等）從而作出回應以及對話，與真人無異，甚至更勝一籌，因為佢實在太聰明，太有活力，所以戲內有人話佢好似食咗類固醇嘅芭比。珍瑪嘅6-7歲大姨甥女卡迪Cady ，因父母交通意外死亡而跟阿姨生活，竟然同呢個Robot 發生感情，去到不離不棄，彼此依附嘅地步。到今日人工智能科技先進，真可謂翻天覆地，正如英文有講：Every coin has two sides. 或 Anything is a double-edged sword. 而中國人亦話：水能載舟，亦能覆舟。如何取捨，如何取得最佳平衡點，先至係最高智慧，我哋身為萬物之靈人類，應該好自為之。