孤疑前傳

本身套戲嘅主題係女主角30歲扮演一位9歲的女孩，但個樣真係太老，不能說服人，套戲唔悶但係內容唔恐怖，本身期望唔大，因為睇左影評 大家都畀低分， 只係因為預告片拍得都幾精彩， 所以就吸引左去睇，睇完後個人認為又未至於 得一粒星， 起碼情節係緊湊。

喺冇睇過前作下睇此新作前傳。觀賞前得知竟然起用十多年前仍是小女孩嘅小演員喺十幾年後續演前傳, 到底如何處理女孩已不再是女孩呢個問題？🤔所以對此片滿有期待, 但可惜出嚟效果並不理想。無奈女主角已長大成人, 夾硬要去扮天真, 吃力不討好, 而且為咗遷就女主角嘅身高體型, 好多時要以鏡頭遷就或用睇得出好明顯嘅替身, 令觀眾覺得分鏡總是怪怪的, 較難令觀衆投入戲中, 而且女主角面貌真的已不是小女孩, 亦令觀眾難以接受。如果肯落本好似美國隊長第一集處理男主角咁會好好多。劇情亦有點失敗, 前段不俗, 有懸疑有驚嚇,但自老母開槍打死探員後, 劇情開始變得有點亂嚟,有啲位更加係得啖笑。整體嚟講, 屬一看無妨, 但如果之前有睇過前作, 此前傳亦不應錯過。睇完前傳, 打鐵趁熱, 即刻返屋企煲返套前作blu ray..... 真係幾好睇, 當時小女孩五官標緻可愛, 但可愛中帶邪惡, 演得非常出色, 成為我喜歡嘅其中一套驚慄片....4.5星。冇睇過嘅朋友... 我推薦。

呢套其實係劇情+動作片。唯一恐怖位係係女主角樣貌30歲身型打扮10歲造成強烈違和感(恐怖谷？) 女主角係個發育有問題可憐人，唔係咩變態殺人狂，想睇恐怖片就要失望啦。利申無睇過正傳，唔比較就唔會失望4.4/5 (88分)...

孤疑令人心寒的梗是觀眾已知的，相隔13年推出前傳，結局明顯是女主角生存下來，把收養家庭殺光，不過劇本還是有驚喜。有關精神病院的頭開得唔錯，去到殺警劇情的扭橋是有意想不到的，雖然走向有點失控，但全片不乏驚心動魄時刻，有唔少暴力血腥緊張位。.其次找來Isabelle Fuhrman逆齡演出同一角色，是賣點但亦有點違和，現實中女主角已經25歲，電影未有用CG協助下，難以令人信服這外貌是9歲或更年輕的女孩。.我覺得電影不能與前作相比，始終女主角人設不再有驚喜，但以一個情義結去看感覺還是不錯。.觀影平台: 影藝戲院(九龍城).IG : andymyf / #AndyMovieReview

比想像中失色，不過都有唔少心寒嘅感覺