燈火闌珊

本身被個題材吸引咗去睇，睇完都幾失望，套戲為咗sell情懷，忽略咗講故事嘅流暢度同合理性，人物性格行為變得太突然，完全冇過渡，令人難以投入劇情。如果想緬懷昔日滿街霓虹燈嘅畫面，同埋向霓虹燈師傅致敬，可以一看； 如果想睇故事完整嘅劇情，唔建議去睇。

張姐演出不多不少昔日燈光璀璨嘅香港大街小巷一項幾近絕跡嘅夕陽工業 霓虹燈生於不同年代嘅香港人一定有不同感受反映香港地隨住時代發展，慢慢淘汰霓虹燈招牌，Led廣告牌嘅誕生諗起 達明一派 - 今夜星光燦爛啲歌詞，再睇埋MV絕對切合呢套戲https://youtu.be/02vms3Eokz0

個人覺得套戲是一般，雖然在故事概念同演員演繹方面是好，但執行同處理卻不太理想，其實如果將套戲中各點獨立抽出來睇是好睇，但如將所有加在一起，整件事便不好睇。老實如講演繹，張姐今次真是無懈可擊，可以細膩去演繹出一個憶念亡夫同執著想替他完他的遺願的妻子，她無論每一個情感處理也演繹細膩同拿捏得精準，我最喜歡她第一幕的演繹。而華哥也演繹很好。而情懷方面，導演也是處理很好，她可以精準將霓虹光管廣告牌這個命題同故事主軸有所串連，從而可帶起遺忘同如何面對喪偶這兩個故事主命題，這點上導演的處理也是好。可以令觀眾而對這門工藝感興趣，而她在對行業的著墨也處理得好。但導演在將這樣的素材加上時卻好像有點問題，好像令套戲處處有沙石般，這樣可能是她在整合方面技巧尚未熟練，才有這樣問題。如果她可以在這方面做得更好的話，套片出來的效果會更好。PS1：片尾這幕也是令人感慨PS2：片尾曲小胡的確唱得真好痴·影·夢·藝 X 的專頁 https://www.facebook.com/ckwunmovie/

導演找來香港漸失嘅特色 - 霓虹燈招牌引伸出一個極富本地情懷嘅感人故事。同時成功帶出濃烈嘅保育香港特色嘅訊息。兩者自然流暢地溶為一體, 帶比觀眾一個感人而又有意義/訊息嘅故事。導演講故事技巧出色, 全片劇情鋪排流暢自然, 剪接應記一功, 鏡頭運用亦令觀衆睇得舒服。演員方面, 張艾嘉、任達華演技不用多談, 夫婦造型非常合襯。新演員表現亦合格有餘。本片係一套有質感、有意義, 睇完會有嘢get到嘅電影。推薦！！睇完此片後, 其實重令我思考另一個問題....除咗霓虹招牌, 到底香港特色還剩下多少？又有多少香港特色正在消失/被消失中？.....不禁唏噓！PS：張艾嘉憑此電影奪得第59屆金馬獎「最佳女主角」,第三度成為金馬影后。

霓虹燈算係香港特色，唔講都唔覺而家呢d燈越來越少(戲裡面有對比圖), 製作一塊複雜嘅燈牌對主角群嚟講相當困難，行業沒落，資金不足，學藝未精等，但為了完成遺願同幫到客戶都照做，除咗緬懷昔日情懷之外，家庭溫情部分亦有唔少感動位，不過節奏較慢，需要耐心細味。4.2/5 (84分)

可能言者無心 聽者有意 即係我諗多咗卦我覺得電影好多寓意「有招牌就有生意」哩句任達華嘅對白講咗冇幾耐香港政府就立法宣布霓虹招牌屬於僭建然後就派食環署去拆招牌鑣哥就鬧未立法前已經有霓虹招牌 其實係政府「僭建」法例睇到全院會心微笑政府哩幾年的確僭建咗唔少法例 令到本來熟悉嘅香港面目全非例如禁蒙面 禁集會 國安法 修例 完善選舉法⋯⋯於是香港「最自由經濟體」嘅招牌被自拆令到香港成為東方之珠嘅霓虹燈黯然無光 化為歷史 徒剩唏噓和懷念霓虹招牌曾經為香港帶來多個世界第一 並載入健力士世界紀錄大全例如世界最大霓虹招牌 世界用最多霓虹光管嘅招牌並曾將成品和製作技術出口去西方 更試過屈管成藝術品但隨住政府唔保育 香港嘅熣燦成為歷史 走向黑暗香港好多曾經有過嘅世界第一都喺近年逐個消失和被消失 多謝🙏中港兩地合作和融合啊留低嘅香港人 只能和香姐一齊活喺謊話同回憶裡電影節奏其實有啲慢 所以最初有啲悶 但中後段漸入佳景而未來女婿憑當票去大押贖回一個鎖咗打唔開嘅舊木盒我想問「邊有當鋪會俾錢收件咁唔值錢嘅嘢呢」哩度好牽強（打開後 入面都冇樣嘢係賣到錢嘅）張艾嘉貴為金馬影后 內心戲非常細膩但演出不算驚艷 亦冇乜神采 所以今屆金像獎最佳女主角 我睇好鄭秀文多啲我睇嘅係優先場 完場時估唔到監製陳心遙出嚟謝票並同觀眾交流當然喜出望外 佢呼籲大家幫忙推廣 因為公司冇乜宣傳經費喎我都希望大家捧場支持哩齣誠意之作因為哩兩年港產片有「文藝復興」嘅跡象多謝賤晶低智森屎尿屁之流返咗大陸發展香港電影嘅廣度深度多元化貼地性都有長足改善祝願港產片就如片中「萬家燈火」嘅招牌喺觀眾同電影工作者誠心許願下 閃兩閃之後 唔止回復熣燦 甚至更勝從前 光照文明世界 衝開黑暗