新．幪面超人

個人覺得今次套片是不俗，雖然在故事執行是比預期薄弱，但情懷卻彌補到，從而令套片不是如出面講這樣差，的確今次庵野落了很多自己元素在這次新.拉打中，有其他的特色，但這樣的確未必人人也可接受，而我是可接受。但在劇情分配，今次的確有差，比預期之中有頗落差，很不平均，我明白他需要放多時間在最後對決，但不應該在之前打各個強化人的章節上這樣濃縮。這樣的確大大影響套戲的感覺。但在情懷還上，今次庵野的確交足貨，好令一眾昭和時代拉打迷十分滿足。無論在1號、2號設定、各名場面的還原等，庵野也是交足貨。而在IMAX加持下，令各方面更為完美。PS：完場不好走，片尾字幕時有驚喜。痴·影·夢·藝 X 的專頁 https://www.facebook.com/ckwunmovie/

與前兩部新·超人、新·哥斯拉相比顯得毫無說服力，修卡組織尤如街邊爛仔毫無威脅感，數個反派改造人塑造十分空洞，有部份甚至零描寫出場即被秒殺，完完全全工具人。打戲經常切換鏡頭且特效不佳，加上動作編排差睇得非常折磨，尤其係最後二人轉，電影頭20分鐘已經係最精彩嘅打戲。主角一行人嘅塑造只可以話勉強合格，最起碼有交代完整，但由於反派組織塑造實在太差令全片所有角色嘅觀感直線插水。但最令我不解嘅係，與新·超人同新·哥斯拉相比，新·哥斯拉明明借哥斯拉呢一隻怪獸去諷刺日本社會拍得非常之好，新·超人亦通過現代化嘅改編令觀眾領略到50幾60年前初代超人嘅內涵，但係呢一套新·幪面超人我完全見唔到有何地方稱得上「新」，本片想探討嘅主題依然離唔開庵野秀明最出名嘅EVA。而EVA想探討嘅主題，早喺90年代已經俾庵野秀明係EOE入邊探討得非常精彩完整，點解佢要喺自己最心愛嘅幪面超人身上又再一次老調重彈呢？全片嘅優點只有幾項，第一次變身、第一次Rider Kick、重制嘅旋風號摩托車以及幾個庵野秀明風格嘅固定鏡頭。個人認為呢一套已經成為庵野秀明導演生涯嘅黑歷史作品。

過度追求還原，但大家想看的是新的轉譯，做成觀者和作者有極大的偏差。但除了打鬥過於細碎和懷舊外，其他的還不錯。

如果講埋感情分或對果陣庵野味有辟好就值4星。讚👍：1. 新幪面超人造型掂, 角色素造亦較人性化, 可以以真面目見人, 亦會被打到嘔血。2. 電單車比原祖科幻味重得多, 馬力亦較原祖猛得多。3. 加入血腥場面, 觀能刺激增強4. 幪面超人招牌招式保留, 以CG技術包裝有型有格5. 黃蜂女果段劇情唔錯, 造形不俗, 女演員樣子甜美6. 劇本著重每個角色嘅內心刻畫, 整部電影變得成人向同有深度, 不流於兒童特攝level。彈👎：1. 剪接及分鏡麻麻。尤其羣揪動作場面, 鏡頭快閃、凌亂而動作不連接。2. CG水平有改善空間。3. 由於（1）及 （2）, 後半場漆黑隧道幪面超人羣揪動作戲漆黑一片、鏡頭凌亂, 完全睇唔到點樣打4. 男主角選角麻麻, 一號還可, 二號唔掂5. 蠍子女果場戲無鬼謂, 又短,鏡頭又係閃嚟閃去, 純粹為咗解釋粒子彈6. 整體演員演出只屬合格, 黃蜂女演出較深刻7. 男主角震到好似有病發羊吊, 過咗火8. 啲血腥爆頭位好假唔自然, 好突兀9. 除咗Boss蝴蝶人, 其他怪人都好弱雞整體嚟講套戲有好多瑕疵, 但整體故事完整, 劇情亦可以, 而新幪面超人造型出色, 所以仍值得入場欣賞。另外冇彩蛋有啲失望。

我唔係fans唔太好評價。劇情主線明確，逐個強化人打完最後打boss. 一開始係普通敵人，之後對手係識得嘅人，所以到後面有d傷感。除咗主線之外，睇靚女女主角同男主角嘅感情戲都好正(男主角顏值偏低，容易代入).4.4/5 (87分)

逐步加強的敵人，然後要勸相熟的朋友投降。有智能的電單車變形一刻不可否定超型，經費都押在架車上。開頭的無情將敵人消滅的血腥畫面，再去到回復清醒瞭解到自己殺人的事實，內心戲跟固定鏡頭突顯的懸疑氣氛不錯 。兩個幪面超人在空中打鬥的動作戲好差好假。大家都講的全黑隧道，對住量產型的改造人真的根本看不清。蝎子女以為是勁敵，誰不知一招斃命也太弱啦。不過招式重重覆覆，不是超人粉絲更感沉悶⋯⋯如果兩位拉打的選角可以再靚仔就更好。最後的終極boss，着住傳統和服，然後由科幻片變成武俠片⋯⋯跟女主角用日文讀出SHOCK組織的字頭所代表的全寫一樣好笑。AI一旁觀看事態發展，可能演算出「人類就是痛苦根源」，要想幸福不如讓他們自相殘殺。生前女主角說服極都繼續執意像復仇者聯盟的薩諾斯要大屠殺，但是當男主角播放其妹妹的遺言才恍然大悟收手。特別之處用iPhone來拍攝，可能也是這樣而有各種奇怪角度出bug鏡頭（特攝）。上次《新超人》有M87的好聽主題曲，今次卻沒有歌手配曲。明明套戲不行還要強行力捧。