星夢情深

d歌唔錯。但故事超悶，尤其後段。播歌果陣，同埋女主角用唔同造型出場時，稍為精神一點。男主角形象極不討好。3.4/5 (69分)

我知故事係翻拍芭芭拉史翠珊70年代電影，但睇嘅時候，真係覺得故事發展一如The Artists嘅套路，如日中天嘅男主角遇上落魄嘅女主角，好心扶一把，結果連自己嘅運氣都送走，一個青雲直上，一個窮途末路，女主角知恩圖報，想幫男主角鹹魚翻生，無奈男主角已經過時，又不堪退居二線，於是乎越發抑鬱，為自己、甚至為無辜嘅女主角帶來遺憾與悲劇結局⋯⋯電影情節老掉牙，發展越嚟越灰，亦越嚟越悶，不過Lady Ga Ga嘅演出簡直光芒四射、喜出望外，唔單止唱歌好聽，原來好識做戲，亦憑本片被提名奧斯卡最佳女主角獎，可惜未竟全功。個人覺得佢就係21世紀嘅Barbara Streisand，只是佢比較好睇，聲色藝全，但冇Barbara Streisand咁好彩，一擊即中，第一部電影便奪得最佳女主角獎，不過我相信假以時日，佢會得獎🏆最有趣嘅係戲如人生，電影好似係兩位主角嘅寫照，拍完電影之後，Lady Ga Ga繼續大紅大紫，反而男主角Bradley Cooper星沉影寂，拍戲越嚟越少，風光不再⋯⋯又一個星海浮沈嘅必然發展😞

gaga真情演出现实往往是残酷无情

畢列谷巴係超級型男，我最喜愛嘅外國明星之一，今次拍住Lady Gaga，在片中演一個失意音樂人，浪漫深情而帶著塵世悲傷，令我印象特別深刻。Lady Gaga 嘅演出亦係出乎意料亮麗，冇得彈👍。戲中好幾首歌都動聽 ，Lady Gaga 一曲 I ‘ll never love again 簡直有如天籟，人間那得幾回聞，佢演與唱俱佳，唔入戲院欣賞係一損失。

男女主角表現好好，帶到觀眾入戲，歌都好聽

平凡look既GAGA估唔到演戲都有一手，演技唔差，好有驚喜！劇本都反映到唔少唱作人現實，壓力大，透過不斷麻醉自己，搵創作靈感，好悲哀！最尾結局有洋蔥位，歌詞盡訴心底話！無論唱歌抑或劇情都交到貨，滿分推薦！