玩謝華爾街行動

本身為咗GME個故仔同Cruella個導演入場。呢件係真人真事，講股票，講夾倉，講維權，講以小勝大，其實係幾好嘅題材。但係導演今次拍得麻麻地，平鋪直敘，人物性格只係蜻蜓點水，夾倉過程又唔夠緊張，白白浪費咗個故事。可能呢幾年個世界越來越古怪，乜都見過晒，所以而家見怪不怪。呢排不如撳入Youtube打"恒X地產"，隨便揀條片睇好過......

個人覺得套戲不俗，導演無論處理同執行也佳，他可以用一個多線角度來重讀塑這場華爾街股票歷史中其中一次傳奇的集體行為，講真如不是有這個艱難的時代的加持下（這方面導演著墨頗多同深），也不可能有GME神話出現，個人覺得這樣也是佔領華爾街的延伸。而這件事也令一群貪婪的對沖基金損手。而導演在處理同著墨是不俗，雖然總體不及沽注一擲 The Big short 這樣高度，但睇落也頗有趣味同吸引。多數人物描寫這個方向是幫到套戲。平衡剪接的處理也是令套戲更為有質感。而他今次也用了很多MeMe圖同Tiktok片來串連，這樣也是令套戲更加了味道。痴·影·夢·藝 X 的專頁 https://www.facebook.com/ckwunmovie/

只係將近年一件華爾街股市事件改編並直白咁拍出嚟。冇乜故事性、劇力、深度或娛樂性可言。

股市裡而散戶係最弱勢嘅一群，而呢次佢地一齊買一隻股，同對沖基金打對台，仲要在巨大利潤嘅引誘下堅持唔賣(其實散戶之間係囚徒困境) ，本身呢件事已經充滿傳奇色彩。戲嘅頭尾都有寫各人最初同最後資產，好有特色。同埋途中各人嘅心理變化，普通人同埋富豪嘅強烈對比，睇得相當舒暢。不過今次好彩有政府介入，否則大集團出各種茅招，散戶一樣無得鬥。4.4/5 (87分)

看見每人都佩戴上口罩，就知道電影所述*真實事件明顯在發生大家剛擺脫的疫情中間。雖然當時都聽聞這件事但聽過就算。雞精大致將維基百科的條目電影化出來。將本作歸類為「爽片」又不太恰當，因為缺少了與大鱷鬥智謀略。跟SONY之前《GT跑車浪漫旅》出發點好近似，都是講普通人如何破釜沈舟式晉升。總之普通人不要妄自菲薄。其實網民表達有點像《電車男》再加《人肉搜尋》。而電影亦樂觀精選了獲利的網民。人物雖然頗多，但是可能演員都比較出名而較易辨別開來。各個星斗網民都各有性格，各有生活困境。而戲中網絡討論區 Reddit 也像香港人熟識的連登，或者臺灣的批踢踢，所以不難明白。有種像疫情期間的Pokemon Go活動，在當時陰霾籠罩下可以在互不認識下一齊做一件事。股票外行人都大致明白操作，因為不斷重覆說明。總之就「鑽石手」死手買入不賣。就算負債還是有機會翻身。社經地位一下子互換，有點像《上流落水狗》(2022)。大概有種滲透「有錢就是壞人」的感覺。看完就明白為何歸成爽片，尤其見到最貪的兩位人兄蝕足幾十億騰雞的一幕。投資公司老闆就不知自己「離地」。在面對ZOOM上國會聽證會練習時，字裹行間都無察覺「精英」。讀完有成班人提醒，先至刪去提及自己母校西北大學，還有當過老闆的屋企人。而大家一直用的 robinhood 跟意義相反，劫窮濟富的諷刺。最明顯就是象徵式作為豬的寵物在富人家任行。而電影亦能捕捉普通人的擔心，生怕男主角會違背當初出售跟出賣自己。而戲中男主角弟弟真的搞笑擔當，雖然一邊串他一邊又暗中撐！主要劇情其實預告大致都揭露出來。對白略為沉悶，間中靠粗口提一提神。總覺得看完跟預期有落差，就是好表面敍述了整個事件。