1人婚禮

個人覺得套戲是可以，周導在調動同執行故事主軸方面功力是上乘，他很多位也聰明，很懂用物件來加強戲劇效果，其中最欣賞他懂用鏡來作媒介來突顯愛自己這個主軸這點。但個人同時也覺得周真是不合適拍喜劇，尤其是在拿捏同掌握節奏方面，很多位他也是處理得太公整、嚴肅同太重說教味，而沒有喜劇應有的感覺。從而令整個觀影感覺不太好，個人覺得他拍返比較嚴肅的題材會比較合適。但無可否認，阿冰今次的演繹的確令人眼前一亮，是一塊很有潛質的寶玉。她在套戲中很多情感位也是拿捏得很準，可以觀眾有所共鳴，以新人來講，她的確有很大驚喜。而角色設計也幫了她很多。而陳健朗方面，個人卻不太喜歡，他演得太表面同薄弱。而在美術方面，這套也處理得好同美，很多場景同服裝也處理得很美。其中花店最為美。痴·影·夢·藝 X 的專頁 https://www.facebook.com/ckwunmovie/

首先見到杜汶澤，周冠威，王宗堯呢幾個名就知道要撐架啦，呢個唔係盲撐話套戲好睇，而係課金入場支持！對於網絡評價偏低，我又唔覺得電影難睇，整體觀感其實幾舒服，但電影的確有不足之處，與導演前作《幻愛》相比，無論劇情故事，角色設定，的確有差距，不過拍攝美感上，我覺得1人婚禮亦唔差。.今年賀歲檔期未有大型西片參戰，三套港產電影同樣沒有賀歲氣氛，的確今時今日嘅時勢，仲點拍得出家有囍事或者嚦咕嚦咕新年財，另外兩套都含有唔少政治隱喻，反而呢套唔係咁覺。1人婚禮標榜成喜劇笑得出但其實唔太有趣，因為後段帶出主題好嚴肅，但能夠引起觀眾反思現今網絡文化以及「愛自己」這個主題，幾有意思。.主線講1人婚禮的概念其實好好，但中段倒敘講個起由反而將「愛自己」的主題淡化左。幾條副線角色各有「愛自己」的做法，找個愛自己的人，追求自己所愛的人，當中誠實面對自己以及接受自己過去的令主角反思，本身已經足夠去逆轉，硬加個1人喪禮搞矛盾衝突感覺做多左，從而令戲中每條線都唔夠深入。埋藏心底多年的秘密輕易轉變心態未夠說服力，對觀眾亦未夠感染力。.值得一讚係演員演出到位，阿冰第一次拍戲，角色簡直是度身訂造，開心做到有感染力，內心戲亦恰到好處，不覺生硬或浮誇。男主角輔助女主角為主，反而角色塑造得唔夠立體，外表麻甩不羈同專一，但內心戲欠奉，幸陳健朗演得生動。我一向都覺得佢係男神級，佢剃左鬚後生左又係另一種帥氣！唐浩然呢個角色幾有趣，係要咁靚仔既教徒先唔會令人反感；另一方面，由盧覓雪做牧師又有點喜感，效果幾正。其他角色，盧巧音個角色可塑性，佢亦演得幾好，化妝遮埋紋身都好花心思。陳逸寧做阿媽真係唔夠說服力，真心似家姐啫；另外一提，可以響大銀幕見到王宗堯真係有少少激動，當電影及娛樂都被政治影響其實好攰。.電影最後一場高潮戲，天色變暗好似去左結界咁，塊鏡裂左以為有咩暗黑魔法，原來只係掟蛋糕，而呢場戰爭真係唔係好具有攻擊性，而且篇幅長到覺得悶。就算背後有其他政治解讀，但好似同電影主題無關，最後只淪為1場鬧劇，實在可惜。.觀影平台: CGV Cinemas D2 Place.IG AndyMyFilmography / #AndyMovieReview

- 撐周導(之前套『幻愛』好得，拍紀錄片亦好)，撐金主杜生夠義氣，撐阿冰，所以套戲一定會睇，盲撐都係咁話- 電影Message 好明顯，今日社會人人喜歡做假，KOL為奉承觀眾呃LIKE，卻迷失自己，亦害怕面對真我- 電影去到尾想說：要相信自己想法，即使世界上只有自己明白自己，也可行『1人婚禮』，一樣可以愛自己，一個人走落去- 訊息是有。但作為愛情喜劇老實講句唔係好到位😑。劇情有點胡鬧，笑點欠奉，亦缺乏溫馨感人場面。周導還是拍認真愛情片/紀錄片好一點😅- 不過咁，睇到阿冰著住性感婚紗的尾場戲，已經滿足收貨！😎😜# 有點擔心票房，但基於以上3撐理由，封蝕本門應冇問題，大賺就唔敢奢望住，最緊要有下一套繼續拍，周導最好拍番自己擅長的😁

坊間講到咁差，睇咗又覺得比我想像中好。畫面靚，阿冰啲服裝打扮好靚。視覺享受。陳健朗演得好。阿冰坦白講，冇乜特別。完全唔知點解導演話佢係天才。講愛自己嘅主題都算有啲心思嘅。成套戲最想彈婚禮嗰場戲，確實好胡鬧，又太長。

入埸撐導演阿冰好靚2刷 #一人婚禮 有D新體會係一套反諷網絡世界的cult片我們均被social media 淹沒真真假假抽水被抽水被洗腦被帶風向多少hidden agenda從咁嘅角度去睇呢套片我今日笑得好開心ESP. 恥笑耶L果段……LOL

卸下精神病苦戀及政治重擔，導演新嘗試有好嘅地方，亦有唔少不足嘅地方，這是客觀事實。演員演出對辦，初登銀幕牙冰算係carry到全套戲，牙朗充滿喜感。電影主題忠誠面對自己、愛自己，亦值得為忠於自己的導演及演員致敬，有0.5是感情分。2022年小奇蹟發生在緣路山旮旯，希望2023年會係一人婚禮。片尾彩蛋是我最愛片段，充滿隱喻，一百人有一百種解讀，肴望以後還能看到導演新作。偽映錄fb: pseudo-movienotesig: pseudomovienotes