低壓槽

戲中城市色調偏暗，氣氛沉重打鬥場面算ok, 不過可能受到戲中色調影響到視覺享受後段情節少少唔合理結局我卻喜歡細路女好得意~~3.6/5

首先聲明，我唔係打手，做乜要做打手𠸏喱啡，爭氣啲做戲中張家輝終極變身嘅「波士」。Is that too much?言歸正傳，講番套戲。「低壓槽」會帶來不穩定天氣，驟晴驟雨，甚或風雨飄搖，正如戲內好幾個槍戰、打鬥及飛車場景，都在風雨中進行，有如王家衛的一代宗師，葉問同對手在雨中決鬥的畫面。此戲借苖僑偉這臥底警察變節成黑幫大佬的心底話，講出于秋（張家輝飾）這個臥底的真感受：這個城市已兵賊不分，有財有勢就可以橫行無忌。成套戲色調暗沉，營造一種黯淡憂鬱氣氛，張家輝的導演功力仍有待改善，但這仍不失為一套可觀賞電影，值得入場鼓勵。

整體又未至於不堪入目，不過佈局時間過長，結尾幾分鐘渣渣輝一次過K.O.哂D所有對手，神發揮。而對白好多都好低能，尤其是終極大佬，豬一樣的Boss，有好多鏡頭運用得吾錯，但故事不太連貫，可以當三個單元故事來看，選角方面可以咁講有得發揮既就戲份小，無得發揮或角色吾好睇就好多戲份。張家輝演譯方式令我諗起80年代華Dee式演技，最緊要就係型，至於身手以一敵百，萬夫莫敵，頭腦冷靜、機靈、Chok到爆既智慧型卧底，連森林中既野獸都馴服於他，簡直就係完美，最後連操控整個城市既幕後老闆，都非常欣賞他，退位讓賢，做導演就是任性。

因看了其他人的影評，冇期望地入場，比想像中好，故事有寓意，但情節紊亂，每次合拍片都是差一點點！

好用心喎，睇得出渣渣輝用左好多小心機音樂，鏡頭，mood，look，動作同城市架構…都俾到啲野我👍只係個boss真係好敗筆笑笑笑笑咩啫…?!🤔同埋啲過場其實有點太慢太長同無厘頭

前半尚可，但後半「膠」左文戲武戲失衡，氣氛拿捏不足，惟動作特技水準不俗唔少卡士登場太過曇花一現