上流落水狗

個人覺得套戲是精彩，奧士倫繼續保持一貫的高質同繼續他獨有的尖酸刻薄，今套比較之前方寸見人心同愛情中不可抗力，這套所批判的更為闊同廣，由男權女權差距、各種主義的演繹、階層觀念上的差距也一一涉獵，比較上屆金棕櫚得主變鈦，個人覺得這套更值得拿。因為這套比較設合近年康城喜歡的批判階級意識的大主軸。而技巧上，奧也是處理得精彩，幕幕尖銳同毫不猶豫，大大力用自身獨特的黑色幽默技巧去批判現在世上一連串扭曲的社會政治的觀念現象，其中個人最喜歡他在第二幕對各種各樣主義的批判最為喜歡。痴·影·夢·藝 X 的專頁 https://www.facebook.com/ckwunmovie/

電影有趣、幽默而富含意去講“錢”。電影一開始，男角去當模特兒時，攝影師叫眾男模用“triangle of sadnesses”表達對H&M和巴黎世家的表情時，當時感覺只是funny，但現在想起覺得導演嘲諷世人“奉承富人，鄙視窮人”的普遍行為。電影分為三個章節，第一章節講述作為愛侶，講錢不會失感情，最緊要講清楚，錢要花在雙方感受快樂；第二章是富人的瘋狂和任性“富作用”，SHIT是本章重要字，而船長和俄富豪互抛書包，甚有味道，笑罵現今的資本和社會主義；第三章講當錢失去效力時，人靠什麼規則去生存，表達方式甚為有趣。本片並不是教條式電影，導演手法非常有趣幽默及富嘲諷感，觀眾睇落好過㽼，絕無冷場。至於結尾女角是否已死？可能導演想觀眾按自己想法填上答案。值得去看的電影，雖然卡士唔係甘強。喜歡電影的，更不要錯過。

電影分三部份但三parts係連貫嘅。而三部份其實又可以擋係三個故事嚟睇。每個部份既對白又大量充斥住硬填入嘅有骨或諷刺同隱喻對白,東拉西扯,欠焦點, 亦並非個每一個人都會明白, 所以買飛前要唸清楚,否則2.5小時幾難捱。

一對情侶上咗不正常人類郵輪。流落荒島，新船長誕生！各種胡鬧，各種暗黑人性。。。但中間船上部分比較悶，cut咁半個鐘就好好多。結局係開放式，不過我好鍾意個女主角(少數嘅正常人).4.2/5 (83分)

電影分三幕第一幕探討性別定型 以及金錢和愛情嘅關係第二幕由資本主義嘅船長同共產主義嘅俄國富豪唱雙簧諷刺兩種主義嘅偽善 虛假和缺點第三幕係成人版嘅Lord of the Flies 豪華郵輪遇上海盜🏴‍☠️ 終致海難死剩種流落「荒島」有錢都冇用貧富 上司下屬 平民海盜共同努力求生終於人人平等？非也非也由最有野外求生本能嘅低下階層來個窮人大翻身貴族沒落 平民崛興昔日頤指氣使嘅今日仰人鼻息為兩餐連小鮮肉都要淪為「姐兒愛俏」母系社會嘅性奴隸到有機會重返文明輪到難得翻身嘅低下層唔肯 寧願繼續流落蠻荒做土皇帝咁係唔係意味極權國家共產國家和宗教狂熱國家之所以落後如斯正因為有大堆無知群眾喺度抽進步嘅後腿呢？？？電影其實幾悶下講嘅又係老生常談仲要分三幕 探討嘅又咁多估都估到其實只係蜻蜓點水 流於表面 到喉唔到肺 唔夠深入 難以發人深省樣樣掂下 又有幾「過癮」呢反而同《上流寄生族》冇得比寄生族只得一個主題 集中 深入 到肉好多

我挺喜歡這部電影，故事情節豐富，人物刻劃立體突出，兩個半鐘都真係無悶場。.開首是講男模的工作日常以及與人氣女模拍拖的相處，果種女尊男卑，男方慣性埋單的不滿，女人老奉唔出錢的慣常，描寫得好到肉！講錢傷感情，不過電影選擇透過坦誠溝通以及愛去和解。.之後遊艇的章節才真正進入上流世界，很自然聯想起五腥級盛宴的食客，不過觀感相差甚遠，觀眾睇得爽唔係因為班上流人不得好死。這部電影的情節荒誕又不覺失真，諷刺之中有娛樂性，幾符合觀眾對上流生活的幻想。有錢人又唔一定目中無人，不過思想行為就是有點異於常人。.最後風水輪流轉寫得幾好，焦點再次回到男女主角身上，一個留白的結局，其實他們是生是死與大眾無關，我們也只不過是個花生友。.查看資料才知道女主角Charlbi Dean於2008年遇上嚴重交通意外倖存下來，電影中也看到她當時做手術留下的疤痕；去年九月，她因急病去世，享年32歲，真係紅顔薄命。.觀影平台: 電影中心.IG : AndyMyFilmography / #AndyMovieReview