極悍巨鯊2：深溝

流浪地球2又係咁 明明劇情如特技超一流 又係得2分 今次meg2比過往shark片添加更多元素 成個海底世界唔同左 大開眼界 希望大家以事論事 唔好再歧視中國有份參與既作品

好睇過Barbie好多

吳京、積遜史達頓及特技出色，故事、情節及角色形做真係“爛”，浪費這两位出色的動作演員，及投資不菲的特技。那位飾演“美英”演員，樣子及表現俱惹人討厭，可怕的是她佔戲頗重，两位巨星伴她而轉，政治化下的哀曲。

導演真鬼馬, 以災難驚慄片宣傳同包裝, 點知原來係笑片一套！🤣上半場正正常常劇情一步一步推進, 點知導演鬼馬, 下半場成Team上番水面後劇情突然變調失控大暴走, 變成笑片(恥笑)🤣劇情大幅on膠化, 變成荷李活C級Cult笑片, 好似Sharknado咁😱.....男主角一人掏手力抗百尺巨沙、吳京不再戰狼變窩囊、Fun Island逼滿巨乳強國土豪並且比巨鯊同異獸蹂躪....真係唔爆笑都唔得🤣🤣🤣呢套戲如果定性為災難驚慄片我只會比2星唔合格, 考慮到下半場變調比到我unexpected嘅另類歡樂, 加番0.5星, total 2.5星。😅如果要揾另類娛樂片可考慮此作🤭

每年一套鯊魚片我係必睇嘅，呢套暫時係我睇過最好睇嘅鯊魚片。往年果d通常都係話d人意外漂流出海然後被鯊魚襲擊。呢套完全唔同，有完整故事線，大量動作動面，敵人亦唔只係一條鯊魚，有三條鯊魚+一隻八爪魚狀巨型怪物+大量鱷魚+反派持槍人類等等。而且有豐富嘅喜劇元素，無咗心驚肉跳嘅感覺，取而代之嘅係大殺特殺嘅爽快感，同埋同伴之間互相支援嘅溫暖感。4.6/5 (91分)

這是我有生以來看過最反智最反科學的電影即使我唸的是文科 科學知識有限但根據常識都知道深海水壓連大氣壓力有幾大如果巨齒鯊真的在溫躍層倖存未絕種但突然走出舒適圈急速爬升 未到水面已因體內氣壓突然向外大量衝出 早就外爆了而Jason Statham同吳京亦根本冇可能可以深海步行到基地今年六月泰坦號觀光鐵達尼號殘骸就係因為抵受唔住深海水壓內爆所以探險隊咪話寸步難行 根本一離開潛艇唔夠一秒就內爆死晒啦另外這個系列有太多中國元素上集李冰冰趙文瑄 今集吳京蔡舒雅中國科學家中國潛艇中國科研機構當然和這齣電影有中資背景有關但這種出錢自high嘅電影真的不敢恭維 睇到起雞皮想作嘔🤮結尾又係巨鯊大鬧中國遊客天堂上集海南島三亞 今集是虛構嘅Fun Island（還是馬爾代夫嗰個？）除非西方好鍾意睇大量中國暴發戶被巨鯊咬噬啦否則套戲應該只會喺大中華區有似樣嘅票房電影勉強宣揚保護海洋 亦反對污染及開採海底資源但現實是最污染和最積極開採海底資源的正是中國中國深海潛艇鮫龍號以科研為名 全年無休的在深海海溝探索海底（礦產）電影中反而批評西方不法之徒在海底設礦場挖掘稀土其實中國是當今世上最大稀土輸出國即使在陸地開採也須用到大量有毒化學物質以致中國已有很多地方成為幾十年都寸草不生的廢土若在海底採挖稀土 不要說巨齒鯊 所有海洋生物都會死光死絕希望今集係哩個系列最後一集啦因為編導演都江郎才盡了上集只得兩條巨齒鯊 今集三條再加恐龍大八爪魚深海巨蜥感覺似係一個年華老去嘅過氣女星 希望最後一脫求翻身咁可惜電影CG非常之低水準 巨鯊怪獸都假到死吳京同Jason嘅好身手都因剪接差而唔自然兼唔多覺哩齣未至於係爛片 但絕對唔算成功囉