史迪仔

四星！迪士尼將經典動畫《史迪仔》變身真人版，特效神還原「626實驗品」萌樣，比Marvel流水線作品更有驚喜！主線聚焦夏威夷女孩與史迪仔從「實驗品」昇華為「家人」的情感過渡，真摯惟中段開始，部分文戲略顯囉唆。 最大扣分位：結尾犯駁到WTF！😅全家人經歷完一連串CIA+外星人既抓補，算生死之交了。姐姐係海上救妹妹既時候，竟然直接無視史迪仔唔救「家人」都算；妹妹大聲叫佢救，佢竟然話自己唔識？😂要等妹妹發脾氣重提「Ohana」先勉強有所反應⋯⋯更離譜的是，係水底救起史迪仔後，竟然唔識游出水面 = 完全唔識拯溺🥹有無搞錯？——教練牌是抽獎送的嗎？😂然後，誇張的來了！直接抱住迪迪由水底跑去沙灘岸邊🙈哇！泥個體能可以去考太空人了！但唔識拯溺咯😂結尾此處敗筆太搶戲，扣一星！

3.2⭐故事劇情/笑位大路公式，中段節奏慢咗落嚟有點沉悶，所謂感動位係硬堆砌，冇深度，唔感人。史迪仔其實係一隻外星人喺實驗室培育出嚟嘅邪惡生物，唔順佢意時係會殺戮同破壞嘅凶惡而又狡猾嘅怪獸，唔覺得有咩咁可愛，咁正向，咁有教育意義，要特登帶細路仔去睇。難道迪士尼出品就一定=老幼咸宜？整套戲亮點係女主角小女孩，人細鬼大，做得唔錯，但其老人精言行、反叛同經常同大人撐到"行"又駁嘴個性亦有可能對細路觀眾做成不良影響。電影整體普普，冇乜亮點。PS. • 字幕後冇彩蛋• 本人睇嘅係英文版

迪士尼近年幾套真人版電影小魚仙，獅子王，白雪公主都負評如潮，好彩今次靠史迪仔扭轉頹勢，票房高過湯佬同期上映套MI最終章。.之前沒有認真看過動畫版，第一印象是這隻真實化的史迪仔幾有質感，感覺比隔離公司隻超音鼠更栩栩如生。而今次真人角色選角都幾好，Lilo笑得幾甜美，家姐同講少兩句男角都靚仔靚女，完全沒有引起任何膚色爭議。.劇情方面預左係兒童向，奸角成事不足，敗事有餘是基本，鬧出笑話有效果，沒想到竟然有種置諸死地而後生的感覺，幾好睇。由開場見到史迪仔的狂野獸性，到最後看到牠的和馴同理心，整個過程都幾動人。.我覺得看這部戲不用太深究劇情細節有否犯駁位，就入場輕鬆笑下，看得開心的闔家歡電影。最後我覺得粵語配音是配得不錯，但始終覺得這個聲畫配搭怪怪的，有機會還是看英語版本好了。.觀影平台: isquare 英皇戲院.IG: AndyMyFilmography/ #AndyMovieReview

真人版片長比二次元版多四分一，不過故事內容似乎實質還削減不少。可能跟《獅子王》一樣預定大家都知而調整劇情。原本比較多失落空虛，而改編就增加幽默感。真人版Lilo可能太過可愛，畢竟動畫版的她是「古怪」，跟史迪仔一樣異於常人。女主角雖然明顯新手照讀對白，温柔改動算能滲出新鮮感。反斗調皮用盡鼻水，再倒在床上共眠放鬆。🐸　從空中跌落初到地球，除了經典的青蛙，還有因為肚餓，原創拍出的闖入婚禮片段也更突顯626的鬼馬。真人化的毛發、牙齒、表情都細致入微，最愛還是反映內心變化的垂耳。三頭六臂戴上花圈一樣立即平靜下來，更符合當地特色的熔岩燈來替代咖啡奶瓶。片尾的「手繪」逐格動畫，貓王盛裝的樣子也算加分。唯一就是動畫版比較多鋪設牠那種內心單獨，迷路或者更多的是不知所向的不安。🚘　開頭社工探訪而跟家姐的搞笑應對，「吃了十份有機餐」的劇本。而史迪仔初到收容所想逃脫時，以為在車上執到勁槍卻只是玻璃膠槍也好可愛。搶過同學的迷你車車，駛遍整個小島才發現四面環海而倒地苦惱加無奈實在欲罷不能～雖然無扮女裝，地球專家也跟原版一樣搞笑，這個單眼哥仔都是打政府工，蚊呢？👧🏻　主旨依然是羈絆，今次真人版還有不少改動來強化這個概念。這個編為626的實驗體一誕生就人人都恨之入骨要捉要拿，直到在地球上找到自己的家人有自己的名字大致都是令人淚水不停。原本醜小鴨故事書情節刪掉更貼合：即便自己不是「完美的」Ohana，無人教過對與錯的人工生命體去到識人話的天使，找到能夠接受自己的人。學校只有同學，無真正的朋友，不同世界的異類找到了彼此。史迪仔可借破壞來聲東擊西，這些偽裝讓人難以看穿自己，而女主角也有自我放棄擋箭牌。愛別人也要照顧好自己。🚪　家姐因為父母離世其實覺得自己被遺棄，因而更加死捱也要盡力照顧女主角。家姐跌進海裏救回史迪仔，海灘抱回上岸更力證「無人會遺忘與放棄」。新加的〈傳送槍〉也是幾好的伏筆，除了困住博士，也令家姐自由去讀書去當海軍，幾時回來都無問題。變成了了水底超人不代表要像以前無私奉獻。🌋　鋼圖艦長責任就落在強霸博士身上，原版的火山大戰留在《阿凡達3》了嗎？雙重身份的社工就分成兩個角色應該更易明白。還有那個強悍的祖母可有可無。博士動畫版就比較似家人融入，但真人版卻改得比較邪惡。要是有續集好奇如何駁回？特工也跟議長簡單握手除去了以往交情。

外國同香港首波影評吹到咁好，作為一個90後嘅電影發燒友、平時又睇開卡通同動漫嘅我又點會錯過。史迪仔細個係有睇，但絕對唔熟悉，入場前做咗少少功課，再睇埋咁多好評，點知行出戲院感覺只係平平無奇，個人嚟講有啲失望。無可否認呢套嘢係唔錯嘅，加上同近年迪士尼作品有比較，相比之下呢套當然算唔錯，尤其絕對啱細路仔睇，CG整得出色，史迪仔係好可愛！故事劇情有喺度，但未到標青，始終跟返動畫去改，但又唔係跟足，感覺只係普普通通，又唔係完全還原到。至於笑點就正正常常，大人應該會心微笑，小朋友就啱feel啲。你話係咪好感動？又唔多覺，只係一個老生常談嘅主題同故事，當然套戲出到嚟整體觀感都係唔錯嘅，但未到令我好驚喜。仲有就係大家記住睇原裝英文配音，今場機緣巧合下睇咗粵語版，真係配得幾差，好多位咬字唔清晰，而且尤其係史迪仔講廣東話，得罪講句實在有啲嘔心。小朋友睇應該會好享受又鍾意，至於大人睇應該就普普通通，都只係睇史迪仔有幾可愛，而故事劇情主題勿認真。