洛奇系列：王者之後3

個人覺得今集是精彩，米高無論演同導也是不俗，雖然在文戲處理方面，他略為欠一點火喉，但作為新導演，他的處理已經是屬中上。的確去到洛奇系列第七集兼王者之後系列的終章，可再描寫的空間已經不太多。但他今次卻找到新的方向，在以往的結構上再去發酵，這方面我喜歡，我喜歡在描寫艾冬尼斯同戴米安之間的處理，米的拿捏同處理不俗，無論故事敘述同塑造角色層次的技巧也不俗，可以細緻交織描寫他們為何有這樣對立。而這樣也令最後的對戰更有力量，咁當然這套也替未來王者之後系列去舖排，這方面的處理我也喜歡。但在一些靜態細緻情感位的處理上，他的火喉明顯不夠。演繹上，無論米高自己或尊尼芬梅傑斯也是演得精彩，很明顯今次米高是將自己當下把，好讓尊尼芬梅傑斯成今套的主軸，個人覺得這點是成功，尊今次依然有這樣高質的演繹。可以令戴米安這樣危險同富侵略性的氣牆細緻演繹出來。而技藝上，這套依然精彩，無論配樂剪接攝影也是不俗，拳賽場面比以往更實在同有力，只可惜不能睇IMAX版，如果睇到效果會更好。PS：睇完這套，更期待有香港片商會入描寫聽障女拳手的日本片 惠子的凝望痴·影·夢·藝 X 的專頁 https://www.facebook.com/ckwunmovie/

和以往龍哥演出，熱血澎湃少了，男角已不是市井之徒，摇身成為體育大亨，講的是賺錢，不再為低下層站出來"戰鬥"。反而其對手來自低下層，期望用拳頭找回失去。電影較多描繪情義~兄弟情、母子情、家庭溫情。三場拳賽show的是技巧，不似龍哥的，show的是膽量，雖然如此，拳賽可觀性不俗。電影製作技巧不俗，可以一看。

運動電影最重要係緊張刺激嘅比賽過程,同埋運動員嘅激情同至死都唔放棄嘅精神。再加埋背後一個觸動人心嘅故事的話咁就perfect。本片故事並不熱血, 出賽只為怨恨,並不正面同熱血, 欠缺激情, 背後冇咗運動精神去back up個故事。故事平淡, 插入兩場嘅比賽同賽前準備剪接片段非常行貨, 既冇靈魂, 又不很精彩, 帶唔到高潮,以致全片只係一部一看無妨嘅kill time電影。兩個拳手都冇拳王風範, 整體同以前洛奇電影重有一段距離。

退休拳王嘅老友突然出現，話要做拳王，我仲以為佢先係主角！現任冠軍vs灰姑娘，真係好有綽頭，我同果d觀眾一樣興奮，當係勵志故事咁睇！但到第一場比賽打完，故事先剛剛開始。。。中後段會有好多負面情緒一齊出現，好有壓抑感。但整體嚟講唔悶，比上集進步好多。第二場比賽亦係非常精彩！拳拳到肉！4.4/5 (88分)

洛奇系列去到第9集 終於迎來完全冇洛奇嘅一集這個系列最好睇應該係第二集 阿波羅嘅仔決鬥蘇聯拳王嘅仔哩集只係少年時代患難兄弟長大後嘅恩怨情仇延續洛奇系列通常有三場拳擊嘅公式：Creed退休之戰 Damian復出之戰 最後兄弟對決故事牽強 Damian持械冇傷人 使唔使踎監18年咁耐呢Adonis嚴重傷人 警方點解唔追究呢 任佢健康自由成長呢Damian放監已超晒齡 又冇職業排名憑乜可以第一場職業賽就挑戰世界拳王嘅銜頭呢而拳賽哩家嘢不嬲都血腥暴力兒童不宜點解兩場拳王爭霸 Adonis個小學囡囡可以做現場觀眾呢Michael B Jordan又導又演 只不過copy & paste洛奇系列前8集唔覺有乜新意喎寫情方面 無論兄弟恩怨 夫妻 母子 父女 師徒關係 都流於表面啲文場戲毫不感人 可有可無 只係攞嚟拖夠兩個鐘拳擊方面 多咗啲茅招（Damian）同埋吼準敵人舊患攻擊而已睇咗9集 熟口熟面 好難唔不落俗套電影唯一亮點係Johnathan Majors操到好fit 完完全全係一個狀態十足嘅拳師比起佢喺《蟻俠3》嘅演出更有說服力哩個系列既然冇咗Rocky 故事又強弩之末 再無新意不如到此為止吧 （留返個美好回憶畀老戲迷啦）