人肉搜尋2

個人覺得套戲是精彩，比第一集更扭得更絕同大，今次可以在保持這個系列特色之餘又更見有進步，這樣導演同編劇的功力真是勁。其實今次比上集更緊湊，劇情推進緊之餘好像扭極又可以扭，這樣可以令觀眾產生極大的追看性，而更難得套戲最後收筆也不會爛尾。這樣是一大驚喜。而今次導演更用玩更多多重視窗，這樣也令緊張性大增。故事方面，雖然政治正確味重，但總體也是好睇。PS：今次好像不停去幫 Google 同 Apple 賣廣告般，第二集已經玩到咁絕，第三集還有什麼可玩，玩到GPT？痴·影·夢·藝 X 的專頁 https://www.facebook.com/ckwunmovie/

只能說懒係懸疑, 懒係緊張, 但劇本/劇情堆砌爛透冇解釋, 只見女兒不停上網打msg同試password (但又多次比佢試到, 好嘢！), 而畫面就快到觀眾都跟唔到/消化唔到, 以快速畫面剪接營造緊張氣氛, 亦以快速推進唔比時間觀眾消化劇情嚟遮掩其劇情堆砌同不合理。其他角色對件案亦起唔到乜嘢關鍵作用或解謎作用。 套戲做咗4/5件案(同觀眾)都重係一舊雲查唔到啲乜,幕後主腦人竟然無啦啦自己走出嚟解迷然後老土結局收場, 之前睇果4/5 原來白睇嘅。一個字....爛！一出戲院已唔知自己睇咗啲乜, 只係好似"緊張"咗一輪、睇咗一堆快速閃爍嘅画面同一個老土嘅殺科戲。有睇第一集嘅我完全失望, 不建議入場。

呢套戲延續上集特色，大部分畫面都係電腦或手機嘅程式，攝錄機鏡頭等等，劇情全程緊湊，到後面有少量動作情節。最後亦希望我地可以愛得及時，珍惜同屋企人嘅關係。4.4/5 (88分)

我本身好鍾意Searching，是我2018 Top 5電影，全片只在看電腦螢幕但完全無悶場，仲睇得非常緊張。呢套Missing同上一集劇情沒有關連，所以無睇過都無影響，反而更有驚喜。.兩套電影劇情手法模式相近，由老豆搵女變成阿女搵老母。沒有熟悉的演員陣容，電影好像更有真實感，時隔幾年，人肉搜尋方法與網絡文化亦與時並進，網上言論帶動風向，影響主角以至觀眾想法，大家都比編劇點到氹氹轉。.電影埋下唔少伏線，但我觀影時完全無為意，直到最後才驚覺有這麼多「線索」提供，明明我（自以為）一直很留意細節…電影在誤導觀眾方面鋪排得好好。電影去到中段我睇到有少少疲勞，但劇情不失追看性，當逐漸步向真相，扭橋情節意想不到，看到結尾更覺肉緊，整體故事依然精彩。不過珠玉在前，我還是比較喜歡Searching，當年第一次看這新穎的電影手法印象難忘。.但我幾鍾意電影訊息帶出現今社會父母與子女的新世代溝通方式，雖則一直都話科技拉近距離，但人與人的關係還是要靠雙方努力，去學習，去感受，去愛。.觀影平台: Times Square 英皇戲院.IG: AndyMyFilmography / #AndyMovieReview

冇睇過第一集，但相信都冇影響！緊湊、節奏明快，都了解到網絡私隱的重要性，感受到母愛嘅偉大！值得睇吓！！