無聲吶喊

＿鐸學校，《無聲吶喊》香港版？？？又係特殊學校，又係施暴，又係教會背景，校董會又係講信任支持……黎＿霞校長「個別老師學生嘅做法講法，與事實不符，我地係非常遺憾。」記者「但係件事仲調查緊，都未確定事實，又點認為與事實不符？」黎＿霞校長「我地已經將記錄交俾警方，所以，果尐資料已經作實。」<<<wtf……交咩俾警方，咩就當作實？？？……黎＿霞校長「過去一尐不當做法，我地係唔容許再發生。」記者「你地唔容許，但係又再發生喎，點解呢？」黎＿霞校長「………………」（啞咗4秒）校工扭學生手，按學生係地，校方解釋「當時情況危急，校工係為保護學生安全」（咩「危急」情況？冇講……）

三個小朋友造得好好，佢哋嘅眼淚係打入觀眾嘅心，一段真人真事，幾時先可以平反？！

呢套唔係恐佈片但係有d場面我都唔敢睇...當知道電影係由真人真事改編之後就更加心痛...小演員d演技真係好好, 成套戲都好值得睇

為何神容許人世間這麼多的苦難，是歷練，又或是原罪的報應，無人能夠明解。無言的吶喊，也是無聲的控訴。正義即使未能伸張，也許只是時辰未到。沒有渲染暴力色情，三級只因震撼的題材。誠意的電影，誠意的推介。

有說服力。不妨一看。

其中一則用"百感交集＂為題，相信好多人都有同感。故事流暢，對白、選角、鏡頭、燈光、配樂、細節、對比效果極佳。同時，編導應該有借事件說出自己對時下的一些想法。 先從札老師於教員室打民秀開始，鏡頭前後都刻意影埋牆上的十字架(註1)；妍度帶主角仁浩去救好友時，影着又長又暗的樓梯；庭上試妍度聽力時，音量大小間的停頓......話課餘時間唔係佢管轄範圍的女人、創校人養女的造型和演出，都入型入格，面目可憎。 就連民秀祖母，唔駛出聲都可營造到貧困無知背景氣氛，厲害！仁浩入庭前後與母親一番對話，平實得來感人。金教授作說客，如仁浩收了那筆錢，我想他將會內疚一生，一世抬不起頭做人。 而金教授則枉為人師！抗議時其他普通人只站在一旁，一貫事不關己的社會現象。也不得不讚童星們的演技，我覺得他們已屬世界級! (民秀似，但靚仔過何潤東）香港／台灣有個啱演主角仁浩一角 : 王傑。 但是, 當港產片每項都爭人1至兩班，唔夠 pro 加加埋埋時，最終效果就會差好遠!不知片中說的是哪個年代真實改編，與現代文明國家或地方相比，片內充滿 conflict of interests, 刑事怎能庭外和解呢？(即使聽聞大陸還有許多庭外和解了事)。 當法律、正義不能伸張，便感到正確的傳播力量更為重要。註：編導應該不是教徒，更想說表面愈聖潔的人，其實愈變態。而且很多教徙都欠缺理智且愚昧。