奪命金

銀行完全係落雨就收遮的代表, 基金完全幫唔到你賺錢只係要收個基金管理費...賣個高風險投資俾阿婆嗰度令我諗起雷曼兄弟...

杜琪峰再度玩轉他拿手的黑色題材，把一個題材不算新穎的金融危機故事扭得處處充滿驚喜，最精彩的是片中有著多線人物，且故事複雜，各人全無碰頭機會，仍能達到毫無冷場。劇本精彩當然是先天的優勢，更精彩的是杜琪峰在電影中那無形地散發出咄咄逼人的戲味，叫觀眾完全坐在椅上不敢離開，氣氛調控之佳絕對是大師級典範。

1.當年電影上映時同期撞正台灣青春話題作『那些年，我們一起追的女孩』，完全被佢鋒芒掩蓋，未能獲取更大迴響實在太遺憾。個人認為『奪命金』係杜琪峯近代最精彩嘅作品，頭三份一大改佢嘅風格，用一連串所謂沉悶嘅文戲堆砌出社會現貌。.中段回歸佢嘅拿手好戲，最終清晰整理三條獨立而互相牽引嘅線。如果要選「2011-2019十大香港電影」，呢套一定係入邊！-2.預告入面有幕劉青雲著花花恤衫、帶住墨鏡喺中環踩單車，呢幕係正片完全冇出現嘅。事實上嗰段係杜Sir拍攝『奪命金』前身作品『撕票』時嘅footage，雖然當時已開始拍攝但因要同法國合拍『復仇』而推遲『撕票』嘅製作。.最終『撕票』嘅故事概念俾咗羅永昌拍攝『報應』，而原定男主角劉青雲繼續留守杜Sir身邊參與『奪命金』項目，仲保留返當時嘅造型添。-3. 影迷都明白杜琪峯製作個人習作花費頗長時間拍攝，度唔掂劇本隨時停工等佢諗通先再拍，所以出現前後不一嘅小瑕疵。例如擺賀壽時坐喺劉青雲側邊嘅兩個接待人員嘅特約咁，鏡頭一轉忽然之間變咗另一對演員，可見就算同一個場景時間跨度都可能跨越咗幾年時間。.或者好似胡杏兒一開始係真·短髮嘅造型，到後段要戴假髮嚟保持相同髮型咁。-4.戲中繼續充滿大量杜Sir式黑色幽默，並不斷重複又重複嚟突顯都市荒謬感。好似「我揸緊車」「清楚明白」嘅對白、張兆輝俾西九反黑拉，劉青雲跑山籌旗擔保，一出嚟又俾東九反黑拉⋯⋯.但全場最爆嘅位必然係用百家樂方式睇期指「升跌」，真係學戲中人物所講「你鍾意點睇就點睇啦」。-5.昔日黑幫電影一直將黑社會塑造成好有權力同資源嘅勢力，而近代香港電影就將佢描述做夕陽行業。而『奪命金』入面正正係後者嘅玩法，由以前好疊水「60大壽擺50圍」變成冇晒水「3條友夾埋2皮都冇冇」，去顯出黑社會嘅沒落。.劉青雲飾演嘅三腳豹對大佬同兄弟都忠肝義膽，但嚟到呢個時代已經比其他人覺得係愚忠、擔屎唔偷食。.而銀行由以往幫客人保管財富，變成謀住客人財產賺錢嘅怪獸，以各種冠冕堂皇、充滿「專業用詞」修飾毫無投資價值嘅垃圾產品，拋售俾客人賺取利潤。.我成日好強調要電影要記錄低此時此刻嘅城市面貌，最重要係藉住呢啲內容嚟突出時代嘅轉變 - 黑社會已經變成冇牙老虎、銀行亦都唔係想像中咁安全。-6.任賢齊、何韻詩同劉青雲三條主線透過盧海鵬飾演嘅大耳窿將佢哋相連，但相對之下任賢齊條線就比較削。上網睇到接近8分鐘嘅刪減片段，圍繞佢喺差館同另一位老差骨李國麟有關虧空公款嘅爭執。.現時將佢條線簡化為面對同老婆買樓嘅拗撬，略為感到可惜。睇返電影英文名『Life Without Principle』，戲中角色確實為咗錢可以捨棄所有原則，或者因為貪婪就係人嘅本性，見到利誘時就自然想擁有。-7.另一個值得討論嘅項目必然係配角非常搶眼，盧海鵬將一個鹹濕貪小便宜嘅大耳窿演到極其外放、蘇杏璇就好細緻咁演無知而又貪婪嘅師奶、車婉婉殺人唔眨眼嘅眼神、甚至JJ喺差館一野爆曬情緒出嚟都意外地精彩！-8.結局表面上係Happy ending，三位主角面對錢嘅困局都得以解救，但同時係Evil ending - 尤其何韻詩同劉青雲輕易得到筆錢，形成錢咁容易搵到嘅概念。.一支雪茄或者甜筒反映出佢哋係今次事件上面獲取嘅甜頭，「輸錢皆因贏錢起」，今次嘅成功可能釀成佢哋日後更大失敗嘅起源。.名副其實『奪命金』。

新感覺，新手法！就算有其他影評認為是帶點抄襲外語片的手法，也值得支持！因為這套戲是百份百的香港電影。由故事人物、故事背景、拍攝場地等，都是百份百香港人的生活描繪！而且故事亦帶有黑色諷刺。要支持支持！唔好只是一窩蜂的吹捧…那些年！

值得一看的電影，有投資的人都會有很深的體會。應該會是近期的話題之作，值得推薦。

Ok