意外

製造意外呢個主題幾有意思（我知道係改編不過我對原作無咩印象），講述“意外”發生果陣好正，不過準備時間過長，有點拖節奏，後段捉“清道夫”劇情開始有d亂，最後扭橋還可以。4.4/5 （87分）

事先聲明：我冇睇過鄭保瑞嘅《意外》，但港產片劇本被韓國電影採用，自然值得捧場，更何況《無間道》劇本都試過俾荷里活翻拍，仲攞過奧斯卡最佳改編劇本獎！可惜電影扭嚟扭去，故佈疑陣，初初主角一口咬定有內鬼，最後原來冇；阿婆臨死前話見到死咗嘅「異眼」，以為有人詐死返嚟攪顛覆，原來又唔係；跟住話有個比主角榮日主持嘅暗殺集團更龐大嘅組織「清道夫」喺度從中作梗，點知去到最後原來只係一個女警喺度作怪，但動機呢？又冇交代！主持正義？一定唔係，因為每次「意外」，一定傷及無辜，例如最後單意外利用吊起嘅玻璃幕牆製造反光釀成交通意外，累死咗無辜嘅保險經紀，或者你會話唔關女警事，係榮日杞人憂天、庸人自擾、杯弓蛇影⋯⋯但點解榮日自首佢又唔受理呢？佢明明手執榮日家中取走嘅騎士象棋，擺明一切都在佢掌握之中！另外電影枝節太多但又交代不清，例如靚女買兇殺父，動機呢？成功後做乜又自殺呢？老豆都殺得，點解又唔接受老爸遺留嘅鉅額保險金呢？老爸又做乜死前買入五份鉅額保險，受益人係佢打算出賣嘅女兒呢？感覺係韓國人太驕傲🦚了，買入人家劇本但又唔甘心俾人話抄襲老翻，於是乎實行在地化（加入本土元素）改嚟改去，結果故弄玄虛，變成弄巧成拙，故事犯駁不合邏輯！

每部份都水準以上，媲美原作

前段營造到緊張氣氛，後段有些微失控！反駁位都頗多！

先講結論，我覺得拍得比原版好。除左格局大左，某啲原版犯駁位亦有解釋返，仲多左啲原版無嘅扭橋。雖然我就覺得韓版個扭橋有啲誇張，但格局上比原版更多諷刺，仲加插左啲近年嘅話題例如：網絡欺凌、記者霸權等。同埋要講的話兩套戲最中心嘅思想係完全唔同：港版結局意外真係歸於意外；但韓版所有意外未必係意外！根本中心思想完全唔同，拍法已經無得比，但整體我覺得韓版改編得好睇的。例如做得最好我覺得係子/女殺父嘅劇情，原版近乎0演繹過兩父子；相反韓版我覺得女殺父呢段更合理、更多解釋；另外比較多人討論嘅係葉璇個角色無啦啦變左個變性人，個人覺得呢個改動無咩特別，我本人對LGTB設定都接受，只要個角色唔係為左膠而硬加，對劇情有幫助我都會接受，韓國改動甚至係愛上男主角呢個設定上更令人動容（呢個唔算劇透掛？原版都出左咁多年）但老人/阿婆個段就麻麻地，原版馮淬帆嘅演出好有發揮，令人印象深刻，但韓版個重點無放係老人到，令呢段失色不少，有啲似為左原版改編而硬加嘅橋段。結局女警個段扭橋我就覺得做多左，個結尾太硬扭，本身我覺得將結局歸於原版嘅精神：意外真係意外咪幾好。而家搞到個結果差少少咁，扣左少少分。最後講套戲重點嘅四場意外殺人橋段：我認為只有觸電橋段韓版比原版合理，其餘三條都差唔多，但因為改編自港版，所以港版殺人橋段領先好多，倒不如話其實韓版唔止買劇本，我覺得買個幾條意外殺人橋同樣重要😂

原來係改編自香港電影，睇完覺得有d熟悉感，上網查下先知，記憶返哂嚟，不過港版好睇好多，韓版始終好似少咗d嘢咁