少年的奇幻旅程(bcSpecial)

我會形容套片好出色，作為導演獨自花三年來首套作品，可以擁有這樣高完成度，已經可彰顯出他的潛力。在套片內，每個細節也好細緻同純熟，無論是畫功、故事角色塑造、配樂同畫面調度等，也是同樣，手法一點也不如新導演般。其中我最喜歡他在營造風格同畫面調度這兩方面的處理。我會講，如果喜歡 貓貓的奇幻漂流 的話，也應該睇這套，可以更為了解到導演。痴·影·夢·藝 X 的專頁 https://www.facebook.com/ckwunmovie/

因為《貓貓的奇幻漂流》而入場，呢套戲作為該導演嘅處女作，畫風較簡單甚至可以用淺陋黎形容，不過如同《貓貓》一樣，畫面都唔係呢位導演嘅特點。其實電影同《貓貓》風格幾乎一模一樣，好多不可思議嘅野無解釋，黑色巨人係咩？比佢食左嘅動物係死左？點解無啦啦有電單車係到？不過其實呢啲野留白都唔影響電影觀感。少年公路電影似的奇幻過程好睇就可以，雖然全劇一句對白都無，但都無礙觀感。背後意識我都get到，例如一開始個唔會餓死嘅山洞係大家嘅舒適圈，巨人雖然守係門口但好食好住，如果離開就會比巨人追殺甚至死，但電影都係鼓勵大家去冒險。而冒險過程可恥地賣貓賣萌（就咁睇黎導演下一套《貓貓》其實一早有鋪排）雀仔亦有首尾呼應嘅效果，好多野唔需要解釋清楚，已經可以係好電影！另外值得一提係電影音效除左有一幕落水個下有delay，整體感覺都好到位，唔敢相信成套戲係由一個導演包辦哂，值得鼓勵而且係電影加分位。