兇屋32

電影節奏太慢，開場執粒波子都拖幾分鐘，雖然之後持續有驚嚇位，氣氛營造不錯，但唔算太嚇人，當中傳紙仔鋪排實在太長。整體故事劇情亦感覺內容空洞，厲鬼故事只得三言兩語，並不詳細，都唔明點解咁重怨氣，而通靈少女亦欠缺背景交代，一家人關係亦太表面。Follow IG: andymyf / IG #andymoviereview

西班牙電影《凶屋32/32 Malasana Street》改編自七十年代「最猛」真實事件，雖然以搬家為題材的鬼故事，相信大家都睇唔少的了，通常都係千篇一律情節相若似曾相識，但這部電影卻有些別出心裁的嚇人技倆，電影講述一對夫妻與三名子女及爺爺，馬洛奴一家六口賣掉了在鄉下的資產，舉家搬來到馬德里馬拉薩尼亞街的某個大單位，並展開新的生活，夫妻倆由農民轉做打工仔，齊齊打工搵食幫補供樓，豈料新居惡靈作祟，一日不得安寧，本已經算是夠慘的了，然而最慘的是小兒子慘遭惡靈抓走，小兒子失蹤期間夫妻倆仍背負著房貸與及一家人的生計，作為父母而不得不繼續工作，在那個年代人人都在搶工作，只要一個小小的理由或者遲到，分分鐘會有被炒魷的危機，同時這一家人一起生活，彼此的關係並不簡單，直到妻子與同鄉的同事道出真相，才揭露出一段違反倫常的夫妻關係，與及搬來到城市的真正原因，劇情中還提到不少社會問題，無奈的現實需要屈就，少女未婚生子，還有自我的性別認同等等，結局更加有反轉劇情，令人出乎意料之外，呈現出在那個保守的年代，各人都要自我克制，承受著不同的壓力。電影其實不只是一部講述鬼的故事，亦都同時反映出了一些社會現實的問題，在大都市生活的人們，生活艱苦，當小孩失蹤時大家都非常著急，擔心不已，但為了生計，不得已仍要硬著頭皮繼續工作，就算心想要衝出去找人，也無法分身，當知道這棟房子鬧鬼之後，就算想搬…但因為房貸總需要繳清亦搬不走，究竟鬼魂惡靈和房貸哪個較為可怕呢？電影氣氛陰森，不時製造岀驚嚇場面，驚嚇已否見人見智，雖然嚇不倒我，或許仍然可以嚇到唔少其他觀眾。https://m.facebook.com/tigermoviesfever/https://m.facebook.com/groups/157839185643505/https://opentalk.hk01.com/@tigermoviesfever/all

最後嗰結局講得唔係好明

每2分鐘內一定有嚇位係真嘅，但真係太repetitive，到中期已經開始免疫。但真心故事內容不錯，導演將多個靈異故事融合到一個劇本，編排得算不錯。由開場鏡頭就有大片feel，但場景一直徘徊同一個地方，令人感覺沈悶。鍾意俾人嚇嘅絕對要入場🙂

十個驚，導演講過佢呢套戲係每五分鐘驚一次，嚇到我呀要讚既係故事情節非常寫實，真係好啱香港人睇，當你捨棄一切買咗層樓，間屋有鬼點知你仲逼住要住喺度哇屌果種矛盾真係！