破．地獄 (加長版)

我會覺得今次的加長版，無疑令已經好睇的原版更有層次，我會講今次這些添加可以令在原版中，沒太多描寫的有所填補，令角色更立體，這方面陳導的確應記一功。在今個加長版中，對道生、蓮姐同志斌的描寫添加最為明顯，個人覺得這些添加可令觀眾對他們角色情感投入更為有所添加。PS：今個加長版中，有一段，陳導好明顯是向逃學威龍2致敬😂😂痴·影·夢·藝 X 的專頁 https://www.facebook.com/ckwunmovie/

觀看正常版後到加長版已有幾個多月，期間看了導演和演員的不少訪問，對這電影和電影工作者增添認識，再次觀看時，更留心。這次觀看時，更感覺電影工作團隊有令人尊敬的專業和感覺他們非常熱愛電影。個人讚賞導演能激勵各崗位人員去盡情/享受這套電影。從故事、攝影、美術到各位演員都好正，故事内容很正面和突破。最後，期望那些社會達人心中能破地獄包場給多些老百姓看破。地獄，老百姓能多添正能量去面對生活上的挑戰。

整體劇情當然冇變，但添加12分鐘劇情嘅加長版令部份角色/情節有進一歩微細描寫，令先前版本感覺有啲突兀/不足嘅劇情轉折位變得圓滑同更加合理同流暢。新加岑家琪角色戲份似對劇情可有可無，但卻透露咗黄子華本身家庭成長背景，令觀眾對道生嘅為人/性格/處事態度/人生觀等等有更多理解同對其角色嘅想像空間。加番谷德昭角色同劇情去加強朱康所承擔嘅家庭重擔同壓力亦令朱康最後嘅"好L自私"比原版嚟得更有說服力。整體呢個 Director's Cut 比原版完成度有所提高，喜歡此作嘅朋友或子華神fan屎大可入場再刷，從未睇過本片嘅觀眾就更加值得入場欣賞。PS. 原版影評我係比4.99999....⭐。呢個 Director's Cut 我比埋果0.00000....1⭐佢啦！😄

新增嘅十幾分鐘其實分散喺全戲不同部分嘅十組八組對話，係好自然咁融入咗套戲，令故事更圓滿更立體，至於新角色岑珈其嘅戲份就只係其中一段對話（大約一至兩分鐘）算係同劇情關係最少嘅對話，但係透露咗黃子華嘅原生家庭背景，側面反映佢嘅價值觀。我喺原版上映時已經睇過兩次，而家睇果種感觸同埋震撼已不復當時，如果一開始就播呢個版本你話幾好。4.7/5 （93分）

小弟年中實在入場睇唔少戲，所以好少有一套戲會二刷，一黎係銀包問題，二黎時間實在吃緊。我印象中上一次二刷嘅戲已經係《復仇者聯盟4》，當時二刷係睇IMAX覺得非常值得。而《破。地獄》都好好睇，本身都心動想二刷，但太多戲睇一直提唔起勁，而家有加長版再無籍口比我唔睇多次。加長版中，金燕玲、岑珈其兩段我認為係補完不少；相反谷德昭個段就比較無謂，感覺係宣傳上需要所以加落去；最後梁雍婷+豬頭骨個段就無咩特別。最有印象就係呢五段劇情，如果仲有忘記嘅證明對於我黎講唔太重要。如果閣下本身好鍾意《破地獄》嘅，加長版係一個好好嘅二刷理由，但如果你期待成套戲可以昇華，加長版又無呢種感覺。勸喻你二刷入場嘅期望值係重溫劇情、睇細節同支持一套好好嘅電影算啦～

個人覺得金燕玲同呀哥角色加長部份對其角色有更多深入認識!