F9

一個系列去第9集已經好勁，能夠做到去到第5集開始更加越拍越好睇越誇張，已經好難得，其實上集已經好勉強，好應該見好就收，正正因為越拍越誇張，已經好難返轉頭，亦都越離地，越多唔合常理亂咁嚟，今次更衝上太空，堅離地但睇得唔過癮。已經變咗犯罪為民懲命嘅老正警匪片，少咗關於曬靚車既場面，今集更加不停車撞車，玩磁力，不斷重複，好似有冇野好玩嘅感覺。用雲狄素單拖撐起成套戲我都睇得辛苦，劇情冇變化(基本上我覺得冇乜劇情)，冇乜演員之間嘅火花，只係我搵你你打我就完既感覺，對我嚟講最精彩已經係一開場嘅飛車場面，反觀結尾有兒戲有單調嘅感覺，今集只係一套睇完”喔”一聲行出戲院嘅感覺，仲有兩集，仲會拍D咩呢？

今次F9都一樣要賣吓溫情，開場時阿當老爸同佢講，「唔使同人哋鬥贏，只要比人哋更成熟。」但佢老爸喺場大賽車中唔爭勝，特登輸畀對手，係為咗欠債，要輸嚟代替還錢，係咪咁係成熟表現？有啲搞笑。但佢老爸另外提及以下嘅，就真係肺腑之言，千真萬確：「家庭關係要建立同維繫，唔係咁就會冇咗。」係為阿當同佢細佬積及日後關係有新發展嘅伏筆。今次呢套戲唔只飛車，仲搞埋上太空，當然好多場景都係現實中冇可能，咪當係官能刺激嘅科幻片，入場粉絲一早就知，絕唔會吹毛求疵。但我就覺得飛車撞車略嫌過多，須知 Less is more.

純粹看場面設計，仍能保持新意，故事就不要提了，只是公式拼湊

根據狂野時速嘅傳統，每集都會拍多少少等下一集出，所以我哋就期待下一集啦！

個人覺得今集是不俗，場面依然精彩，可以吸引到觀眾，但略為覺得今集在場面設定方面沒上集咁有驚喜。不計玩衝上太空這段（其實這個是想完FF迷的願望），今集主打的磁力個人覺得有點兒玩得不夠。不夠上集汽車雨這樣有驚喜。 其實今集當中也是有很多以往FF有的元素，例如復刻首集中一對一鬥車場面、不停講及拜仁、FF7中大卡車、補充在FF3中韓為何不死的迷（這樣又關於彩蛋）、依然以中間人無名先生（卻羅素）作開故事開頭等，這方面舊粉會滿足。 而在處理故事方面，個人覺得可以，但略為覺得故事套路開始有點重複，雖然他們懂以當的過去來作今集的引導故事，但內涵卻同是以往FF中，以家作為主軸一樣。這方面我略為失望，不夠有突破。痴·影·夢·藝 X 的專頁 https://www.facebook.com/ckwunmovie/

電影保持原有的套路：緊張剌激飛車場面和兄弟家庭情，飛車視覺觀感沒有褪色，依然甘大胆有創意。今次重搞到飛上太空，雖然有些誇，但幾果㽼，正如電影講“誰會想像貧民窟孩子上太空”。合乎FF迷要求，建議看3D版。下次若搞到鬥人工智能，相信重過㽼。