人工殺姬 2.0

2.7⭐人工殺姫嚟到第2集2.0，始乎想重新啟動，故事調子變了、世界觀亦提升了，製作成本亦加大了，由原本發生喺幾個人嘅驚慄片，變成關乎人類世界命運嘅動作科幻片。嚟到第2集，美瑾不單只係一個好形象化嘅AI 機械人，而係一個虛擬、長存而且每日都在成長嘅AI 生命，而且不再一面倒邪惡。可惜電影拍得沉悶，劇情鬆散，口水多過茶，大量似是而非嘅前衛 AI、電腦、互聯網等等 conceptual 嘅理論同策略令觀眾摸不著頭腦，難以理解，唯有不要問順住劇情睇落去（好似睇M. I. 最終清算咁）。動作同血腥場面又點到即止，成套戲冇一頭到岸，平平無奇，悶戲一場。失望之作。上一集其實都係麻麻，不過套戲都正正常常，有血腥，只係唔夠驚嚇。但果隻iconic 詭娃舞好正好impressive。今集睇完係完全冇記憶點。PS.• 冇彩蛋• 上一集女主角今集長大咗好多• 如果再有下一集，唔知Megan 會唔會進化到保護世界和平呢？😅 會唔會以巨大機械人形象現身呢？🤣

我覺得幾好睇喎。同第一集完全唔同風格，有更色彩鮮豔嘅視覺效果，更正嘅音樂。雖然電影有啲長，但節奏明快，完全冇拖拖拉拉。第一幕有好多鋪墊，內容好密集，但故事一到位就更注重人物發展，呢樣我覺得值得加分。對比起原作，呢部續集更加細膩，已經唔係一套恐怖片，今次更注重有趣嘅場景設定同誇張風格。不過都係唔滿意佢個級別，同第一集一樣，如果再血腥啲就更好。

#Megan2 #M3GAN2.0 (2025)7.5-8 娛樂性豐富，故事、動作、笑料兼備。難得第二集就算不是超越第一集，也可以說同樣好看，各有千秋。第一集有新意，第二集除了新點子，有兩個仿生人決鬥。但Imdb 6.2; Rotten 59%) 看來，我一向不是跟隨主流。你說高分過F1 ，沒錯，故事來說這個更好。總有一些位會觸動你。又有後生女。完勝。同2022年同匚編導Gerard Johnstone，日本和另外兩個一同編寫。故事背景算寫得細密，但不代表完全零死角。讚：是致敬/抄襲？總之炒埋一碟好食就得：T1 Bad guy T2 good guy；Upgrade；Elysium⋯ 其中Amelia其中一個造形參照 空山基（日語：そらやま はじめ Sorayama Hajime，1947年2月22日－）這套科幻娛樂片，越致敬，越多經典影子，反而我越加分。顯示編到他們滿滿的有誠意，或者至少熱愛機械人、AI等科幻題材。不單許多致敬位，同時不失故事性（不會像死侍3東拉西扯致敬一大堆人物，但故事單薄得不得了。）所以我更加欣賞劇本，故事解釋到為何Megan會重生，和世界所面對Amelia殺人機器的危機。當然有老外認為劇本沉悶，但例子欠奉。另外，笑了、動作、文戲 。尤其是劇本上有心思。難得第二集也可以和第一集一樣精彩。（大凡我會買玩具的，都是在我心留下感覺的，可惜Neca仍未派貨）除了解得通故事背景、Megan重生、小女孩強悍了外，還加插什麼事parenting，做父母難處。增加了娛樂電影的深度。 在拍攝期間，電影中是12歲也講得通。美人胚子，明日之星啊。敵對cyborg Amelia 烏克蘭明星，強悍得來不失冷艷。夠膽講china… 威盡全球，衝出宇宙，怕誰？ 不再只是Russia…彈；（微劇透，不要繼續）大概估到大奸角是誰，皆因主角們太容易引狼入室個人認為有可能的反駁位既然Megan可以秘密起地保，又怎會不能秘密？建造自己的身體呢？就如Chappy。當然解釋也可以是Megan需要Gemma團隊去改良、建造自己獨一無二的身體其次，你最憎用筷子，但係最後你用筷子去制止人哋用筷子⋯ 最憎人用手提電話，自己就用手提電話去制止人哋用手提電話⋯ 矛盾的雖然現實也有。就像父母不容許子女餐桌常用電話，自己卻破壞規矩⋯遲入場15分鐘，都明白原本兩小時電影，即有可能電影開頭未必夠爽快。

如題，風格轉咗，由第一集嘅驚悚片變成呢集嘅科幻動作片，玩到要毀滅世界咁大...全片節奏明快，氣氛緊張但時有笑料，仲有d親情元素，中後段打鬥甚多， megan識得"換造型", 所以每次對打嘅角色都唔同， 加上科幻風格的打鬥，我睇得相當興奮，而文戲依然有講好多關於AI的話題，可算是爽度與深度並存。4.8/5 (95分)

今次比上集揼本，人工殺姬有兩個，打咗幾場，但主題都係重複第一集嘅信息：小心AI會獨立思考，人類就會滅絕！其實哩種末世預言電影🍿Terminators係祖師爺，家居機械人🤖背叛主人，I, Robot都做過，當然Megan有佢嘅特點，女性、能歌善舞、小女孩玩伴、忠心而固執，但哩個套路重複第二次，幫觀眾溫書📚咩？所以編和導想加啲新意，同I, Robot 🤖 唔同嘅係調轉咗，係人類出賣機械人，陷害佢哋企圖消滅AI以保護人類。另外，Cady嘗試為機械人加入道德考慮但失敗，不過最終Megan2.0居然識得乜嘢叫做RIGHT😱😱😱，冇可能，AI只會運算，冇感情冇道德，六親不認，除咗計算結果，唔識分是非對錯！最後，女科學家👩‍🔬同Megan冰釋前嫌，居然提出AI = 新生兒，人類係父母，只要耐心好好教導，AI會幫到、甚至孝順人類😱我唔覺得哩種講法可以成立囉，點解？因為今朝坐我隔離嘅係一對父女，個小妹妹係幼稚園年紀，套戲屬IIB級，兒童不宜🔞呀家長，雖然套戲嘅暴力同血腥程度係小兒科，都冇理由真係帶個小妹去睇㗎😡當然你可以話有家長指引Parental guidance咪得囉，結果咪不時阿女問問題，阿爸簡短回答然後「殊，唔好出聲啦，嘈住人哋睇戲呀😱😱😱」個細路女除咗好奇之外，一啲都唔驚，冇嗌冇唔耐煩冇郁身郁勢，相當鎮定，睇嚟係受過長期嚴格訓練，應該喺屋企都陪父母睇過唔少驚嚇電影，所以處之泰然談笑自若😱見到啦，家長都唔識教親生子女，仲想人類諄諄善誘AI全心全意謀求人類與AI互利並存嘅共同福祉，簡直係妄想，痴人說夢💩💩💩事不過三，但我唔希望有第三集，但睇導演臨尾留下伏筆，除非哩集蝕大錢，否則冇嘢可以阻止導演繼續陳腔濫調落去😱