美聲歌后：瑪麗亞

個人覺得套戲不俗，繼續可保持這個傳奇女性三部曲應有高度。我會講，套戲感覺好高雅，好像藝術精品般，每幕每個構圖也好唯美，如揭了一本好高尚藝術圖冊一樣。個人覺得今次套戲主軸感覺不如史賓莎這樣大講女性自主找尋自由奔放，而好像透過睇瑪的回憶帶出女性在消逝前對人生回憶的眷戀。無可否認，安祖蓮娜今次的演繹好睇，她有如進入另一層層次，可以細緻演繹出高雅的歌劇歌唱家的質感。痴·影·夢·藝 X 的專頁 https://www.facebook.com/ckwunmovie/

外國的服裝化妝道具佈景永遠值得欣賞反觀香港新不如舊 可悲演技冇得彈 死前最後一曲令人動容Angelina Jolie令我相信首歌係佢唱表情同歌曲配合得天衣無縫

這部電影隨著Angelina Jolie的精湛湛演繹帶觀眾進入這位絕世歌劇名伶卡拉絲的內心世界，她的美麗與哀愁，瘋狂與孤獨的人生篇章，敘事風格特別，ㄧ幕幕過往鮮亮回憶對映生命末章，回首人生，似幻似真也許是ㄧ種自我療癒，帶著勇氣直視她的高光與傷口。睇戲時不禁想起Jolie在1999年演的那部 Girls, interrupted，那瘋顛有力的眼神，從瘋狂女孩到孤傲名伶，仍舊這麼迷人，充滿力量，值得入場ㄧ看！，

如果你對這個背後角色沒有太大認識，看完這部電影後依然不會對她有更深的了解。若果從她在母親逼迫下，面對士兵唱歌的那一刻開始講述人生旅程本該有更多的深度與色彩。然而，故事卻選擇在她失聲之後才展開，並且斷斷續續地圍繞著她的情感歷程與內心掙扎，間中有零碎片段展現給觀眾看昔日的片段，但完全沒有帶入感更令人遺憾的是，影片對她如何踏上歌劇之路、成名的過程，卻渾然不見。整個故事不過是講述一個風華絕代的靈魂，面對精神病困境的掙扎。隨著電影接近尾聲，我的心中依然無法掀起任何波瀾總結：演員演技10/10 電影6/10 拍攝風景及效果 8/10若喜歡這類電影，我更推薦原始巨星 Robbie Williams

本身對此美聲歌后並不認識，純粹以一般觀眾角度入場欣賞。全片拍以比較靜態手法拍攝，好淡好flat，主要描述歌后臨終前幾日嘅心態同一啲回憶，都算係一套傳記電影。全片講故事手法、攝影、美術、服裝、剪接等等藝術成分較高，要用多啲精神去細嚼當中嘅心思同韻味。安祖蓮娜演出落力，唔知有冇因為演出此片而減肥，身裁瘦削，唱歌時連青根都現埋，嚇死人。😅但睇到片尾字幕見到真人瑪利亞時，又覺得安祖蓮娜嘅外形同演譯都唔太似真瑪利亞嘅個性。同期有另一套傳記片搖滾詩人Bob Dylan，同樣係歌手傳記片。雖然不能apple to apple咁比較，但本人比較喜歡搖滾詩人多啲，因為故事內容較豐富同拍攝手法都較具娛樂性，大眾較易入口同理解。

Maria臨死前一星期，受濫藥又諱疾忌醫影響，開始倒帶rewind自己嘅人生，出現一堆碎片、幻像、真真假假交替穿插出現，雖然導演將佢哋歸類組織成四幕戲，但由於瀕死主角思緒混亂跳脫，加上孤芳自賞及顧影自憐，虛虛實實，令觀眾唔容易辨別真假，所以哩齣戲唔係傳記電影，只係very tiny parts of past 🪤 人生好似一齣舞台劇🎭Maria嘅更係歌劇，只是傳世之作多數係悲劇，Maria亦都唔例外，二戰時被媽媽出賣，又賣唱又賣身；成名後被不忠情夫始亂終棄，落得孤獨終老；晚年失埋聲，復出無望，譜成生無可戀嘅故事，用大不如前嘅嗓子發出嘅絕唱結果成為自己的輓歌！電影入面見返幾個歷史上面嘅老友：希臘🇬🇷船王奧納西斯、美國🇺🇸甘迺迪總統、兩人嘅妻子Jacqueline+艷星瑪麗蓮夢露，片末播返Maria生前片段，冇Jacky嘅樣，冇Marilyn Monroe身材，只係得把聲同埋兩人（與船王）曾交往嘅「秘密」（仲要喺船王死後單方面公開+自己臨死前精神恍惚下發表），對討厭歌劇嘅船王嚟講，鍾意佢嘅唯一理由只得同種族（大家都係希臘人），哩個太牽強啦，所以我話佢孤芳自賞顧影自憐，女人善妒，得唔到嘅就幻想、怨恨、捏造⋯⋯奧斯卡得獎電影經常有傳記電影，唔少演員憑哩類電影榮升影帝影后，Angelina可能都係咁諗，但搵個1977年離世，至今冇乜人識嘅藝術歌后嚟演繹就真係冒險啲，Angelina雙目勾魂，正視著幕前觀眾簡直係女神的凝望，心跳加速呼吸困難，但想單靠靚樣、擺吓甫士、咪嘴扮唱⋯⋯就攞獎⋯⋯就真係諗多咗啦！Angelina演技好毋庸置疑，話晒初出道都攞過奧斯卡最佳女配角獎，但哩套片應該攞唔到大獎，反而美術、服裝、攝影、髮型、剪接、人物設計⋯⋯哩啲細獎就有啲機會。事實上，哩套戲連配角嘅企位、肢體動作、佈景燈光都盡善盡美，有型有款！