上映日期: 2025年3月27日 片長: | 98 分鐘 級別:
III
3.1
評分
61 讚好 17 影評
孖生兄弟哈爾和比爾(迪奧占士 分飾)的父親突然離家出走,音訊全無,決定整理父親的「遺物」,意外發現一隻舊玩具猴子。可是,二人察覺漸漸察覺到猴子伴隨的邪惡詛咒︰每當發條轉動,鼓樂聲響起,身邊親近的人就會發生一連串駭人事故,毫無先兆,當場慘死。為了擺脫這場噩夢,兄弟兩人決定摧毀猴子並投井丟棄,之後各自過上新的生活。25年平靜過去了,離奇死亡事故卻又再重現。二人懷疑猴子已重返人世,於是兄弟被迫聯手對抗詛咒,再度踏上一場瘋狂又超現實的死亡之旅。 孖生兄弟哈爾和比爾(迪奧占士 分飾)的父親突然離家出走,音訊全無,決定整理父親的「遺物」,意外發現一隻舊玩具猴子。可是,二人漸漸察覺到猴子伴隨的邪惡詛咒︰每當發條轉動,鼓樂聲響起,身邊親近的人就會發生一連串駭人事故,毫無先兆,當場慘死。為了擺脫這場噩夢,兄弟兩人決定摧毀猴子並投井丟棄,之後各自過上新的生活。25年平靜過去了,離奇死亡事故卻又再重現。二人懷疑猴子已重返人世,於是兄弟被迫聯手對抗詛咒,再度踏上一場瘋狂又超現實的死亡之旅。
顯示更多 arrow-down
loading
影評
詳情
場次
X
Lv. 10
star 3.0
一套只屬平庸的血腥驚悚片
個人覺得套戲一般,我會形容導演好手高但眼低,好多位他的處理得好流於表面,純粹想用場面來滿足觀眾,比較他之前用複雜聲效同執行來精密佈局的長腿,這套卻被比下去。講真,套戲的大概念是吸引,用兄弟鬩牆來作故事主軸是吸引,但他在執行卻好兩頭不到岸,描寫角色好過於籠統,這樣好令套戲失去了應有的劇味,好像令他淪為只用爆頭血漿場面來取悅觀眾爽片般。痴·影·夢·藝 X 的專頁 https://www.facebook.com/ckwunmovie/
顯示更多 arrow-down
5  負評
1  回應
責任影評
Lv. 10
star 3.0
輕度弱嚇
Cult得嚟黑色幽默多於驚嚇。文戲/對白偏多,有點沉悶,久不久有啲人體爆炸睇下咁囉。有啲位嘅表達不明所以,亦冇乜詳解Monkey背景由來。呢套戲整體麻麻地,各方面都係到喉唔到肺,亦唔見得有咩特別心思。今個星期想驚嚇都係"贖夢"好啲。
顯示更多 arrow-down
1  負評
0  回應
Super086
Lv. 10
star 4.0
平庸之作
主要劇情就係兄弟情仇,玩黑色幽默,猴嘅設定簡單直接,有各種慘死畫面但不算太驚嚇,節奏方面算慢,悶場甚多。4.0/5 (80分)
顯示更多 arrow-down
1  負評
0  回應
劇透閒人
Lv. 10
star 4.0
父死子繼 兄終弟及係詛咒嘅西方傳統講法
西方自古希臘時代就不斷強調father & son嘅對立,甚至有弑父娶母嘅故事,至於兄弟鬩牆同室操戈,亦都係社會學上嘅熱門議題,所以故事內容不算有新意😱於是乎唯有講吓驚嚇效果,作為恐片,畫面昏暗、大量茄汁、斷肢爆頭、死法花樣百出、荒誕離奇⋯⋯哩啲特色就有齊晒,但就係唔算好驚嚇,反而幾好笑😁有好重嘅黑色幽默傾向,jump scares都有還幸冇濫用,但冇乜出人意表嘅鋪排,更冇發人深省嘅寓意,睇嘅時候微微刺激一下,觀眾唔會帶有深刻印象離場,亦唔會有乜話題可以同朋友討論,屬於一看無妨嗰類!故事圍繞一件父傳子嘅邪惡打鼓🥁玩具猴子🙈+一對互相仇視嘅孖生兄弟做文章,每逢上鏈必有人死,上鏈嘅人唔會死但佢想要殺死嘅人亦唔會死,只會傷及無辜,猴子🐒相當「百厭鬼馬」,最後第二代和第三代父子終於明白冇可能消滅這兇器,於是決定好好看守這件妖物,不讓佢落入壞人之手造成災難,結尾有啲似《安娜貝爾》,還是暗示列強製造好多大殺傷力武器,電影想提示大國好好睇住自己嘅「玩具」,慎防擦槍走火累己累人呢?
顯示更多 arrow-down
3  負評
0  回應
Andymyf
Lv. 10
star 2.5
見到唔係溫子仁執導就要降低期望
一隻馬騮玩具會殺人?!感覺有啲似Annabelle,睇預告片覺得吸引,不過見James Wan唔做導演,只做監製,難免令人擔憂。不出所料,電影質素連James Wan初期恐怖宇宙觀的電影尾燈都見唔到。.戲中猴子何解會帶來不幸未有講述,劇本故事空洞,主線劇情單薄,角色設定不夠豐富。電影主線中孖生兄弟的角色,後生版同成人版分別由兩位演員一人分飾兩角,其實友人唔講我都無留意到。這算是Gimmick或是心思嗎?但對觀感效果或作用不大。幸好多種死法算有創意,夠核突,夠血腥,視覺上都睇得幾過癮,純粹一套爆谷cult片。.觀影平台: 朗豪坊Gala Cinena.IG: AndyMyFilmography/ #AndyMovieReview
顯示更多 arrow-down
1  負評
0  回應
Kurtis
Lv. 10
star 4.0
鼓到就死 永別仇心
***此內容含有劇透,按此查看更多***
1  負評
0  回應
私隱政策
使用條款
免責條款
f139a24