刺猬

個人覺得這套戲很好看，我會形容這部戲的故事軸和敘事手法與一般電影不同，很 學氣息。而導演也很好地利用了 一這點來發酵。而我也喜歡他對角色的描繪，這樣可以令這套戲更耐看，我會形容主角王戰團有一種眾人皆醉我獨醒的特性，而因為有這樣，令整個角色更有輪廓。當然葛優可以細膩地將他演繹出來。痴·影·夢·藝 X 的專頁 https://www.facebook.com/ckwunmovie/

故事幾有意思，但一老一嫩主角像各有各演，feel唔到佢哋之間有幾投契同深情。另外，電影故事發生喺瀋陽，當中有一啲文化差異，香港人睇未必能投入、理解同產生共鳴。葛優演得唔錯。

刺蝟🦔冇攻擊性，但有野性，不勞煩你扶一把，亦唔需要你自作多情嘅愛撫，對以上多此一舉嘅橫加干涉，一律豎起尖刺敬謝不敏！拒人於千里之外會好孤獨？我就是要保護自己嘅本心嘛，總之各行各路，你由得我啦，反正我只會向前行，永不回頭亦從不後悔！絕對係男一二嘅寫照。電影名字改得好（小說《仙症》個名都唔錯），葛優一貫地高水準，難得冇大陸味嘅誇張造作，自然而然又有說服力；王俊凱亦不錯，可以拍得住葛優；其他演葛妻、周正父母都演得入木三分！小說叫《仙症》明顯係諷刺中國人嘅傳統迷信！口吃、精神病、抑鬱⋯⋯一概而論係撞邪，唔係得罪狐仙就係白三爺（刺蝟仙），一定要供奉懺悔求寬恕，結果姑姪兩人食咗祖師爺落肚，追求自我又好，追求夢想都好，就係要遇神殺神遇佛殺佛！從此信心十足，口吃嘅勇敢長大、黐線嘅清醒過來從新追夢，擺脫一切牽絆，化成兩股不覊的風，四處飄逸，最終匯聚於浩瀚嘅太平洋上！（踏實嘅大陸生活小品咪幾好睇囉，何必強求大製作去迎合偉大民族復興嘅聖意呢？）

這套電影將兩個男主角性格形成的成長背景很深刻及細緻地描寫出來，同時間又大賣溫情，將家人之間微妙的關係刻劃出來，絕對是很有深度的溫情電影👍

Nice film!!!!!

很有深度的作品，故事發生在東北，講一個大家庭因「瘋子」和「口窒窒」2個「病人」搞得雞飛狗走嘅故事。家庭倫理問題在香港家庭也很常見，「東北」只是一個載體，看懂了相信能引起香港觀眾共鳴。故事中「瘋」是戲眼，每個角色被「卡住」，及如何解決「卡住」才是全戲主旨。我第一次在深圳看的，睇唔明。這次香港上映是我第二次睇，開始明白套戲，同時發現電影畫面相當有質感，顧導寶刀未老！插曲也很好聽。演員方面，葛優一如既往好戲，和他有很多對手戲的新演員也不錯，接得住葛優嘅戲，二人合作自然不突兀，其他配角也稱職，全劇睇落相當順滑。整體嚟講呢套戲寓意較深，需要靜下來心來細品，一次未必明，睇多幾次明咗就會豁然開朗，發現是難得佳作！