牯嶺街少年殺人事件 (足本4K修復版)

三十多年前錯過這部電影，但早前睇咗一套日本片《她和他的戀愛花期》，片中菅田將輝同有村架純成日嘈住要一齊去睇哩齣台灣片，這令我好奇點解日本人咁欣賞哩齣台灣電影呢？所以今日花咗$140同差唔多四粒鐘睇咗哩齣戲！這是足本及修復版，楊德昌導演嘅攝影、鏡頭運用及畫面都好靚，表達流暢，雖然節奏慢，但唔算悶。故事係將一宗發生於1961年真人真事少年殺人案件拍成電影，當時內戰結束不久，國民黨退守台灣，擔心共產黨武力犯台，加上外圍冷戰熾熱，整個台灣社會人人自危，衍生出這個由於缺乏安全感而發生嘅故事！中學男生怕被欺凌，拉幫結派，爭地盤爭女，整日打架。小明代表女生，喪父而母病，不停搭上能保護自己嘅男性。大學生努力讀書，期望拿到獎學金留學美國，然後移民，咁就touch down安全啦！男人不思進取，到處攀附，只求謀得一官半職，好有個鐵飯碗，養妻活兒。女人亦忙於交際應酬，建立人脈拉關係，為自己為丈夫為子女求方便。一般無望移民美國嘅民眾，終日崇美，開舞會，唱或聽或舞蹈貓王搖滾音樂，醉生夢死，唔面對現實。國民政府擔心共產黨間諜滲透，於是為了國家安全，亦模倣敵人，來個內部整肅，清除內鬼，白色恐怖⋯⋯大陸拍關於文革嘅電影，可以歸類為「傷痕文學」，這齣也是台灣版「傷痕文學」！其實電影冇必要長達237分鐘，加上好多演員都是青少年但唔係天才童星，演技有啲粗疏造作，以致劇情有啲地方都牽強而含糊地帶過就算了，哩齣比《悲情城市》冇咁政治性，亦冇咁沉重，尤其充滿咗我幼年60年代嘅情味，那時嘅音樂舞蹈、那時嘅擺設/家居佈置、那時嘅色調、那時嘅氣息、那時嘅髮型裝束⋯⋯好有親切感，彷彿我又回到爸媽年青嘅歲月，他們還在，拖著我嘅小手，告訴我要樂觀勇敢面對將來，就像台灣終於走出中華民族有史以來最民主自由嘅道路！

人物、背景、劇情豐富，每一幕都是精華，細膩、富戲劇性。從一起引起轟動的少年殺人事件真切地反映60年代初的社會境況，是一個時代的印記。無容置疑的經典中的經典！

劇本環環相扣 對高壓社會的描寫落於每一個個人而不是口號於控訴宣洩本身

如題，活在當下，過好生活