雷霆特攻隊*

故事簡單直線，講述雷霆特攻隊如何組成。劇情走向一路睇一路預計得到，但處理流暢，完成度高，睇得投入。片長126分鐘打得算少，口水算多，但劇情保持推進未至於感覺沉悶。每個角色描寫亦細膩，除咗可以空間轉移果個女隊員比較少描寫。動作場面雖然偏少，但設計尚算不俗。影像設計有啲新意，鏡頭/場景轉變做得唔錯，尤其後尾角色們進入阿卜嘅黑暗空間內糾纏果段戲。女主角新黑寡婦做得唔錯，寒冬戰士今次氣勢同戰力就弱雞咗啲，其他角色一般般。阿卜戰力強大無敵，但要對付佢一啲都唔難，係咁"椅"呃呃氹氹幾句就掂，不過下一集我估應該冇咁簡單。片中嘅"幽默"位似乎冇人笑得出。不過整體正正常常冇乜悶場，算係近期 MCU 電影中比較踏實同似樣嘅作品。PS.• 有兩個彩蛋，要睇到字幕尾，最尾彩蛋係有意義嘅。

簡簡單單，又容易明白，所以幾好睇呀。其實要好過及突破咁多超級英雄電影構思，呢個都算係做到㗎啦, but幾條友啲武器、功能就弱雞啲。最後彩蛋係啲Marvel 迷先會hi曬。

係有啲悶，文戲比較多，同埋都估到最後點打大佬，始終成班冇一個有超能力（除咗個位）。比4.5星係因為呢隊有新鮮感，不過我始終覺得marvel好似拍唔返以前嘅味道，希望下年avengers可以回復水準

冇女權撚，冇黑鬼/政治正確隊長，正正常常講故事。已經當贏

我會講，今套的確可讓MCU，一洗之前的污氣。我會形容今次他們可雕琢出一塊好有層次同深度的拼圖，他們今次大膽拋棄以往他們一貫著重場面風格，願會花用更多時間同篇幅來雕琢各角色深層的輪廓，這樣無疑可令套戲好有追看性，這點我喜歡。而導演在執行上也是好準，可以好細緻襯托出今次以孤獨作主軸主命題。咁當然這個命題也可令哨兵的登場更為為有力。其實，除了模仿大師比較少篇幅外，其餘的角色描寫時間也是平均，而每個也有空間同深度去發揮，這點也是今套成功的地方。咁當然，這套依然保留MCU獨特的自嘲的傳統，這方面紅色守護者的發揮最為突出。講真今次的成功，好令我對在七月，萬眾矚目的F4加入MCU宇宙新一章更添期待。PS1：對各位IMAX粉來講，今次雷霆特攻隊的確令包括我在內的粉絲為興奮，因為久違了很久，IMAX獨有特別版片頭，在今次再現。PS2：戲中有一幕，好有未來戰士2的影子痴·影·夢·藝 X 的專頁 https://www.facebook.com/ckwunmovie/。

這添失敗者將錯就錯變成新的復仇者聯盟，今次文戲與反轉呈現得好有感！謝幕的各種質疑標題跟封面都好跟現實同步討論。兩個片尾，最後一個比較關乎這個宇宙的未來！抱在一起的治癒收尾很有A24的風格。以往旨在救人，現在更傾向自救。　　 女總統間歇性出場，但完全感不到她在公眾面前有何恐懼，去到最後被仇人圍住仍可改變劣勢先最厲害。成隊人由迷宮天竺鼠變成了自救稻草不用被捕。政治比起甚麼超級能力還要強，90歲的Bucky真的要好好學政！《復仇者聯盟》的版權問題真的要好好談一下。　　 人人都有難以入目的過去。開頭接到任務去清除「證據」，識到這個最陌生的〈卜〉仔，伏線不知他有何能耐／背景，觸碰一刻就知見到。創意去講老生常談的心理創傷。重新振作靠自己是有難度，反而三五識七就更會幫助。背景相似有所共鳴自然走在一起。　　 短髮女主角就有釋懷破到地獄，但其他角色似乎還算原地踏步，而Uber司機紅色衛兵爸爸就開心果一個。模仿大師一來就真的無了，果然不重要就出個場就完，可能演員自己都不想再演。Bob就又最初不知所意膽怯，去到失控的神之「覺悟」完全變成兩個人。不過其技能要負面時才有用，暫時只能做個洗碗工。女主角或許最弱，但最能凝聚各人。　　 山寨的美國隊長應該最慘，連唯一象徵都⋯⋯彎了，當過士兵又如何。中段之前不打不相識，各自各目標。大家都蝎子過河般合作逃出這個 OXY實驗室，互串大家都是二線角色其實幾好笑，尤其是一齊撐住爬上去，洗濕頭不上不下。　　 〈虛無〉這個空間反映人的黑暗，每一間房都是輪迴最不安的記憶。類似廣島核彈的影子真的心理陰影，小女孩都不能放過！越反感越想打出手。開頭互相猜疑，去到肯步入黑暗救回卜仔，雖然老套但狂爆淚水。最大的敵人是自己又有點太明現。痛腳也是前進的動力，後生會更易有所慰藉。