美國隊長4：勇敢新世界

個人覺得套片總體是可以，作為MCU第五部曲的首套，他總體是恰如其份，戲中好多位無疑是為舖排未來而設，所以無論套戲的口碑有多麼差，MCU粉也需要繼續睇。獨立來講，這套是可以，繼續承繼美隊系列，以政治作為創作的主流，這點導演的執行是可以，他好巧妙用永恆族所遺留的元素，再加以改寫，成了好合美隊系列風格的片。咁當然這套的主軸同當下世界政治有所聯動。其中總統暗殺同美日同盟之間計算最為明顯。無可否認，今次美隊的角色設計的確不夠上任咁，好令觀眾討好、有記憶猶新的場面同壓場感。雖然導演有用這點矛盾同質疑作為今集角色設計，但整體也是不夠好睇。PS1：我大膽估計，戲中所描繪的超能鋼是為未來新MCU時空中，狼人所舖排的伏筆。PS2：如果是九十年代影迷，福伯再當美國總統同在空軍一號的場口，特別有所共鳴同回憶。痴·影·夢·藝 X 的專頁 https://www.facebook.com/ckwunmovie/

新任美國隊長被曾經敵對的將軍，現在的總統請來做政治吉祥物。而再宏觀一點的地緣政治，大家都想搶先一步去發掘星神島的資源。作為凡人，主要就靠裝備去強化。今集繼續探討他是否有能力接過這幅盾牌，總之就成日覺得自己未夠班有種強行接棒。而跟新人獵鷹又好似無幾合拍或者火花。審美就見人見志，就算當年《小魚仙》都起碼有悅耳歌唱。或者將焦點放在跟黑寡婦一樣從紅屋訓練出來的安全顧問，還好不是盲目跟從命令。氣場雖然稍弱仍不失是個好選角。今集故事對成條MCU好似又不大影響，意義上都幾雞肋。節奏還好，講一輪然後再對戰一輪，交替着邊查出真相。初頭配以心驚膽戰的音樂算能舒緩徐徐的鋪墊。畢竟是如「豹」添翼，在星神島海上空戰是幾刺激的，不過個別動作鏡頭的綠幕呈現得幾明顯。紅巨人不夠威脅，身邊的政府特務用槍等於空氣炮。打戲皆短，IMAX用盡銀幕卻顯得模糊⋯⋯開頭總統在白宮開會當刻以為玻璃是用來防彈，原來是用來顯示投影。奇怪的是《復仇者聯盟》都有架飛船，反而今集科技有點倒退感覺，這個AirDrop過相廣告比較顯眼，個個好人都是用iPhone的！等到差不多結尾先至引到心中紅巨人爆出來。變身等待需時，但一瞬間就紅啦。福伯先前演過大人物，所以選角上氣勢恰配。今集入邊就蠍子過河的方式將反派困在牢中，但又要依賴對方提供的能力來保命。人物描寫是充足的，總統又有種間諜感覺，一路在好人與反派之間搖擺。紅Hulk預告都知是總統，反而忠奸要到中後才知道。最後親身贖罪算是溫馨。只要留得青山在，未來還有再出場幫手機會？反派造型的確不敢直視，智慧與美貌不可共存。不過這個綠色怪物又沒有幾大魅力或可惜的地方，雖然吹噓自己可以計出可能且異常聰明。「我是憂鬱先生.......」這首歌再配閃光的控制方法都也頗為老套。之後跑去自首也是莫名其妙，所以出完場就困在浮沉監獄就完。片尾都幾奇怪，因為多重宇宙不是新鮮事物，抑或最後的台詞另有所指再？

整體節奏明快，動作場面都交足功課，唔知係唔係新美隊冇咗超能力（血清），成套戲冇咗嗰種威漫英雄感覺（反而覺得好似睇G.I.Joe），另外呢個新寡婦選角真係⋯⋯毫無特質，唯一有啲驚喜係17年前嘅角色（唔知仲有冇人記得2008變形俠醫）仲可以延續，算係有少少心思。

本身就對劇情唔抱期望，果然對Marvel劇情失望呢點Marvel係唔會令我地失望。整個劇情無新意、無記憶點，流水作業式劇本。主角叫下面配角check下線索，配角禁兩下又會check到再走去B點打打打咁，非常典型MCU打帶跑流程。仲有洗腦、心靈控制呢招面對處理唔到嘅劇情真係好洗好用，但用到爛哂，我唔想見到呢招再出現呀！福伯條線感覺都好隔硬，連帶令到奸角動機、能力都好雞，完全0魅力。呢個都係MCU第四階段嘅通病，缺乏類似Thanos咁有魅力嘅大boss，加上之前嘅壞康描寫失敗，我真係唔知復仇者5可以點算？Marvel有能力再靠Robert Downey再上高峰嗎？？唯一想讚係結尾紅色福伯大戰算唔錯，算近期MCU比較好睇嘅打鬥，而且Sam繼承美隊，同新人繼承Falcon呢個對比係成套戲寫得比較好個part，為成套戲拉回到普普通通合格線分數。

套戲係講一個好打得嘅社工，為左勸服一個不擇手段嘅政客，去對付一個毀咗容嘅痴線佬，差啲累死埋幾個老友同全世界。大佬，而家新世界都唔掂，仲勇乜鬼新世界吖......

差到無論，訓咗幾鑊唔夠瞓、睡眠質素唔好嘅人可以入場