荒野機械人

Inside out 2 以為自己攞硬奧斯卡，點知殺出部冷馬 ，絕對有機會攞大獎

大人小朋友都睇得好開心

動畫富創意，故事感人。最喜歡電影金句“善良也是求生技巧之一”，值得去看。

本身就被呢個主題吸引，前段還好，幾輕鬆搞笑咁，到中段劇情開始入戲，溫馨熱血窩心感人樣樣齊，加上唯美畫風及激昂音樂，後半段我喊咗幾次，大人細路都啱睇。(我睇英文版，場次好少，主要係對原版有執着，不過呢套我會考慮睇埋配音版)4.8/5 (96分) ---------------睇完配音版，跟原版差不多，感動絲毫不減，加上兩首主題歌曲《kiss the sky》《even when i'm not》比想像中更動聽，遂提升評價至97分，“年度最佳電影預定”。4.8/5 （97分）

容祖兒唱歌可以但唔識做戲，聲演可能相當作狀，所以千揀萬揀至搵到間戲院有英文版，費事影響觀感。電影天真爛漫、色彩繽紛、故事健康簡單、畫功和製作都出色，好啱小朋友或闔家歡。機械人🤖羅絲本無人性，意外流落荒野，近朱者赤 近墨者黑，體驗咗人本無性善性惡之分，長大成怎樣嘅人睇後天成長過程同環境去決定，佢同小雁及狐狸🦊嘅互動生活和成長，充滿赤子之心，喺哩個煩囂庸俗複雜嘅成人世界，提供咗一個暫時避世嘅時空，最後羅絲犧牲自己，回到科技發達嘅人類社會，留返一片世外桃源俾萬物，似乎告訴我們要保護大自然就要阻止科技圍剿天然環境，更重要嘅係用心去感受一切，避免動太多歪念，直指本心少動腦筋，宋明理學：心即理、致良知。小朋友唔會明白，係我諗多咗啫😱😱😱

故事簡單、流暢、完整，有好多細位嘅設計有趣同好有心思。特別欣賞美術設計同畫風，好有故事書插畫feel。配樂亦出色。大人細路都啱睇。我睇嘅係粵語配音版，配音效果ok嘅。