門逃

電影營造緊張氣氛，所有主角演技非常出色

入局入得超快，電影開首以一種有趣嘅方法審視宗教以及我們如何相信我們所聽到嘅事情，然後圍繞住宗教爭論之間嘅心理遊戲都好有趣，令人睇得好緊張，前段都可以用精彩嚟形容。有一個敗筆嘅係，電影後段沒有堅持到宗教主題，變成好似係一個癲佬，講左一堆冇意義嘅廢話。我起初以為呢套電影會係兩種不同意見嘅爭論，而屋嘅設計會令主角走上不同嘅考驗，信仰亦會有所動搖。前段的確令我腦洞大開，劇本寫得好好，後段雖然失望，但緊張刺激嘅。就咁前段嘅話，我會俾到4.5。呢個結局我認為唔係每個人都接受到，有點模糊，不過有專心嘅觀眾應該會明白。不論如何，Hugh Grant好正，好好嘅攝影。

尤其鍾意「大富翁」同 「Radiohead」嘅比喻顯淺易明 如果對宗教有認識嘅定必有更好領會後段其一女主角突然覺醒有啲跳脫更演變成密室逃脫不過整體上係做得到緊張刺激令觀眾代入倆女主角面對住外表文質彬彬嘅Hugh Grant一直都分唔清佢幾時講真話 係唔係講大話

以傳教進入深層次理性討論及實驗似乎已經講完套戲，再講就劇透😅故事寫得好，推進速度睇得好舒服⋯⋯又唔會太血腥，演員都做到！故事係偏門少少，但套戲真係幾好！

恐怖，入戲，演技好。但最後有少少離題，做多左！一開始好容易帶到你入戲，反思宗教。

成套片淨係用三個演員，一個場景。不過淨係劇本、對白張力、演員演技夠撐起成套戲。成套戲嘅主線就係兩個摩門教傳教士同一個反宗教人士嘅對碰。反宗教人士不斷提出對宗教嘅質疑去challenge嗰兩個女主角。有啲論點都值得思考。- 人係有罪，所有嘢一經人處理都有機會錯咗或者被改變，咁點解先知/聖經人物轉述佢同神嘅對話又會覺得一定係神嘅意思。- 信徒多唔多同佢係真定假其實冇乜關係，純粹係佢做宣傳做得好。講到尾，反宗教既Mr Reed覺得宗教只不過係控制人嘅手段。其實喺社會角度嚟講，宗教都的確係一個幾好嘅維穩教化手段。漢朝嘅獨尊儒術，同埋基督宗教成為羅馬帝國國教，某程度都係佢地既教義，令到政府易於管理人民。宏觀嚟睇，亦都不能夠否認宗教有控制人嘅功能。但係咪即係講緊信宗教係好戇鳩嘅嘢？呢個亦唔係電影根表達嘅嘢。戲入面強調，就算你信奉宗教亦必須對於每一樣嘢保持思考同質疑。聽完牧師傳道人講嘢就當咗佢講嘅係真理，咁就好大問題。其實我覺得呢套片主要想批判嘅應該係基督教，不過礙於美國太多基督教徒，唔敢得罪，所以先轉摩門教。但其實得兩三句對白同摩門教有關。其他內容直接套用落去基督教入邊亦都冇問題。